India vs South Africa 1st T20: टीम इंडिया आणि दक्षिण आफ्रिका यांच्यातील तीन सामन्यांच्या T20 मालिकेतील पहिला सामना आज (28 सप्टेंबर) होणार आहे. या मालिकेतील पहिल्या सामन्यात सर्वांच्या नजरा टीम इंडियाच्या प्लेइंग 11 वर असणार आहेत. टीमचा कर्णधार रोहित शर्मा टी-20 विश्वचषक 2022 च्या पार्श्वभूमीवर या सामन्यात अनेक मोठे बदल करू शकतो. संघाचा जादुई फिरकी गोलंदाज युजवेंद्र चहलच्या जागी अनुभवी खेळाडूला संधी मिळू शकते.

हा खेळाडू घेऊ शकतो चहलची जागा

टीम इंडियाचा गोलंदाज युजवेंद्र चहल अलीकडच्या काळात फ्लॉप ठरला आहे. आशिया चषकानंतर ऑस्ट्रेलिया मालिकेत त्याला आपली छाप सोडता आलेली नाहीये, त्यामुळे दक्षिण आफ्रिकेविरुद्धच्या पहिल्या टी-२०मध्ये त्याच्या जागी अनुभवी फिरकी गोलंदाज आर अश्विनला संधी मिळू शकते. आर अश्विन ऑस्ट्रेलियाविरुद्धची संपूर्ण मालिकेत त्याला बेंचवर बसवण्यात आले होते.

युझवेंद्र चहलचा ऑस्ट्रेलिया मालिकेत सलग प्लेंइग 11 मध्ये समावेश करण्यात आला होता. या मालिकेत युझवेंद्र चहलने 3 सामन्यात 9.12 च्या इकॉनॉमीने धावा दिल्या आणि त्याला फक्त 2 विकेट घेता आल्या. ही खराब कामगिरी पाहता रोहित शर्मा आर अश्विनला संधी देऊ शकतो. आर अश्विन 2022 च्या टी-20 वर्ल्ड कपसाठी टीम इंडियाचा देखील एक भाग आहे.

आर अश्विनने टीम इंडियासाठी 56 टी-20 सामन्यात 66 विकेट घेतल्या आहेत. त्याचबरोबर तो भारताकडून कसोटी सामन्यांमध्ये सर्वाधिक बळी घेणारा दुसरा गोलंदाज आहे. अशा परिस्थितीत आगामी सामन्यांच्या कर्णधाराने आर अश्विनला संघात संधी दिली तर तो संघासाठी मोलाचा खेळाडू सिध्द होऊ शकतो.

पहिल्या T20 मध्ये टीम इंडियाची संभाव्य प्लेइंग 11

रोहित शर्मा (कर्णधार), केएल राहुल, विराट कोहली, सूर्यकुमार यादव, शाहबाज अहमद, दिनेश कार्तिक, अक्षर पटेल, जसप्रीत बुमराह, अर्शदीप सिंग, हर्षल पटेल आणि रविचंद्रन अश्विन.