Ranchi ODI Tickets IND vs SA : भारत आणि दक्षिण आफ्रिका यांच्यातील तीन एकदिवसीय सामन्यांच्या मालिकेतील दुसरा सामना रांची येथील जेएससीए स्टेडियमवर खेळल्या जाणार आहे. या सामन्यापूर्वी चाहते भारतीय क्रिकेट बोर्डावर (BCCI) इतके संतापले की त्यांनी नारेबाजी केली. अनेक चाहत्यांनी घरच्या मालिकेदरम्यान बीसीसीआयच्या गैरव्यवस्थापनावरही निशाणा साधला.

क्रिकेट चाहत्यांनी पुन्हा एकदा बीसीसीआयच्या घरच्या मालिकेदरम्यान केलेल्या गैरकारभारावर निशाणा साधला आहे. चाहत्यांनी जेएससीए आणि बीसीसीआयवर टीका केली आहे. रांचीमधील मालिकेच्या दुसऱ्या वनडेसाठी तिकीट मिळविण्याच्या त्रासदायक प्रक्रियेबद्दल तक्रार केली आहे. काहींनी आपली फसवणूक झाल्याचे सांगत पदाधिकाऱ्यांवर कडक कारवाई करण्याचे आवाहन केले आहे. एवढेच नाही तर घोषणाबाजी करण्यात आली.

रांचीमधील चाहते तिकीट वाटपाच्या प्रक्रियेवर नाराज झाले. हैदराबादमध्येही तेच पाहायला मिळाले. त्यानंतर पोलिसांना तेथे हस्तक्षेप करावा लागला. काही चाहते जखमी झाल्याचेही वृत्त आहे. रांची वनडेसाठी तिकीट खरेदी प्रक्रियेबाबत चाहत्यांनी सोशल मीडियावर नाराजी व्यक्त केली. भारत आणि दक्षिण आफ्रिका यांच्यातील दुसऱ्या एकदिवसीय सामन्याच्या आधी चाहते तिकीट खरेदीसाठी लांब रांगेत उभे असलेले दिसले. भारतीय संघ सध्या तीन सामन्यांच्या मालिकेत 0-1 ने पिछाडीवर आहे. लखनौमध्ये खेळल्या गेलेल्या पहिल्या वनडेत टीम इंडियाला नऊ धावांनी पराभवाला सामोरे जावे लागले.