India vs Sri Lanka 1st t20 Live Streaming Telecast : भारत आणि श्रीलंका यांच्यातील तीन टी-20 सामन्यांच्या मालिकेला आजपासून सुरुवात होत आहे. या मालिकेतील पहिला सामना मुंबईच्या वानखेडे स्टेडियमवर होणार आहे. भारत आणि श्रीलंका संघ 2023 मध्ये पहिल्यांदा मैदानात उतरणार आहेत. टीम इंडियाचे कर्णधारपद हार्दिक पांड्याकडे आहे. नियमित कर्णधार रोहित शर्मा अनफिट असल्यामुळे या मालिकेत खेळणार नाही. तो एकदिवसीय मालिकेतून पुनरागमन करेल.
भारतीय संघातील 'बिग-थ्री' रोहित शर्मा, विराट कोहली आणि केएल राहुल यांना श्रीलंकेविरुद्धच्या मालिकेत स्थान देण्यात आलेले नाही. अशा स्थितीत संघावर हार्दिकची छाप पूर्णपणे दिसून येईल. यावर्षी भारत एकदिवसीय विश्वचषकाचे यजमानपद भूषवणार आहे. बीसीसीआय आणि संघ व्यवस्थापनाचे संपूर्ण लक्ष त्या स्पर्धेवर आहे. त्यासाठी व्यवस्थापनाने 1 जानेवारीला बैठक घेऊन रोडमॅपही तयार केला. कोहली, रोहित आणि राहुल यांनाही छोट्या फॉरमॅटपासून दूर ठेवता येईल. अशा परिस्थितीत हार्दिकला संघ तयार करण्याची पूर्ण संधी असेल.
जाणून घेऊया मॅचच्या प्रक्षेपण संबंधित सर्व माहिती...
भारत आणि श्रीलंका यांच्यातील पहिला T20 कधी, कोठे, किती वाजता खेळला जाणार ?
भारत आणि श्रीलंका यांच्यातील पहिला T20 सामना मंगळवार 3 जानेवारी मुंबईच्या वानखेडे स्टेडियमवर भारतीय वेळेनुसार संध्याकाळी 7.00 वाजता खेळला जाणार आहे. नाणेफेक 6:30 वाजता होणार आहे.
सामना कोणत्या टीव्ही चॅनलवर प्रसारित होईल?
स्टार स्पोर्ट्स नेटवर्ककडे भारत विरुद्ध श्रीलंका टी-20 आणि एकदिवसीय मालिकेचे प्रसारण करण्याचे अधिकार आहेत. हा सामना तुम्ही स्टार स्पोर्ट्सच्या वेगवेगळ्या चॅनेलवर हिंदी आणि इंग्रजी व्यतिरिक्त देशातील इतर भाषांमध्ये कॉमेंट्रीसह पाहू शकता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.