वेगवान गोलंदाज मोहम्मद शमीने यंदाचे आयपीएल मैदान चांगलेच गाजवले आहे. गुजरात टायटन्सच्या विजयात मोहम्मद शमीचा सिंहाचा वाटा होता. त्याच्या या खेळासह क्रिकेट जगतात खासगी आयुष्यामुळं चर्चेत राहणाऱ्या या शमीच्या जीवनात नव्या पार्टनरची एन्ट्री झाली आहे. त्याचा फोटो सध्या व्हायरल होताना दिसत आहे.

बीसीसीआयने दक्षिण आफ्रिकाविरूद्धच्या सिरीजमधून शमीला ब्रेक दिला आहे. सध्या मोहम्मद शामी सुट्टी एन्जॉय करतोय. दरम्यान, नुकतचं त्याने एक बाईक खरेदी केली आहे. त्यान ही आनंदाची बातमी सोशल मीडियावर फोटो शेअर करत दिली आहे.

मोहम्मद शामीने Royal Enfield बाइक खरेदी केलीये. या गाडीची किंमत तीन लाख रुपयांपेक्षा जास्त आहे. मोहम्मद शमीने त्याच्या अधिकृत इन्स्टाग्राम अकाऊंटवरून बाईकसोबत फोटो पोस्ट केला आहे. cruising partner अशी कॅप्शन शमीने दिली आहे.

मोहम्मद शामीने रॉयल एनफील्डची कॉन्टिनेंटल जीटी 650 बाइक खरेदी केलीये. मिळालेल्या माहितीनुसार, या बाइकची किंमत (एक्स शो रूम) तीन लाख चार हजार रुपये इतकी आहे. मोहम्मद शमीच्या Royal Enfield Continental GT 650 बाइकमध्ये एकापेक्षा एक उत्तम फिचर्स आहेत. या गाडीचं इंजिन 650 सीसी आहे. त्यासोबतच 6 स्पीडचं मॅन्युअल ट्रान्समिशन आहे. फ्यूल टँकची लीमिट 12.5 लीटर इतकी आहे. बाईकचं मायलेज प्रति लीटर सरासरी 25 किलोमीटर इतकं आहे.

मोहम्मद शमीने क्रोम-फिनिश ऑप्शन विकत घेतला आहे. याशिवाय, Continental GT 650 ब्रिटिश रेसिंग ग्रीन, DUX Deluxe आणि Ventura Storm आणि Rocker Red सारख्या इतर रंगांच्या पर्यायांमध्ये देखील उपलब्ध आहे.