ग्रेट ब्रिटनचा ३-१ ने धुव्वा उडवत मिळवला विजय
Tokyo Olympics टोक्यो: ऑलिम्पिक स्पर्धेत दमदार कामगिरीचा इतिहास असलेल्या भारतीय पुरूष हॉकी संघाने आपल्या लौकिकाला साजेसा खेळ करणं सुरू ठेवलं. भारताने उपांत्यपूर्व फेरीत ग्रेट ब्रिटनच्या संघाला ३-१ असे पराभूत केले आणि ऑलिम्पिक स्पर्धेचे सेमीफायनलचे तिकीट मिळवले. भारताने सामन्यार पूर्णपणे वर्चस्व राखलं आणि संघाची विजयी आगेकूच सुरू ठेवली. आता भारताचा पुढील सामना बेल्जियमशी होणार आहे.
भारतीय संघाने दमदार खेळ केला. दिलप्रीत सिंग, गुरजंत सिंग आणि हार्दिक सिंग या तिघांनी भारताकडून प्रत्येकी एक-एक गोला केला. सामना सुरू झाला तेव्हापासूनच भारतीय संघाने आक्रमणाला सुरूवात केली. सामन्याचा निकाल काय लागेल याची कल्पना खूपच लवकर चाहत्यांना आली होती. कारण भारतीय संघाने आक्रमक खेळ करत पूर्वार्धात २-० ने आघाडी घेतली होती. उत्तरार्धात संघातील काही खेळाडूंच्या चुकांमुळे ग्रेट ब्रिटनला एक गोल करण्याची संधी मिळाली. भारताने पुन्हा गोल करत सामना ३-१ असा जिंकला. महत्त्वाची बाब म्हणजे भारतीय संघाला तब्बल ४१ वर्षांनी ऑलिम्पिकच्या सेमीफायनलमध्ये धडक मारणं शक्य झालं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.