IPL 2023 Auction : आयपीएलच्या पुढील हंगामापूर्वी मिनी लिलाव होणार आहे. ताज्या माहितीनुसार आयपीएल 2023 चा लिलाव 16 डिसेंबर रोजी बेंगळुरूमध्ये होणार आहे. यावर्षी सर्व संघ एक मॅच होम आणि एक विरोधी संघाच्या मैदानावर खेळतील. हा फॉरमॅट सुरुवातीपासून सुरू आहे, पण कोरोनामुळे 2019 पासून या फॉरमॅटमध्ये स्पर्धा खेळवता आली नाही.

आयपीएलच्या पुढील 16 वा हंगाम मार्चच्या शेवटच्या आठवड्यात सुरू होऊ शकतो. 2019 पासून पुढील दोन हंगाम भारताबाहेर आयोजित करण्यात आले होते. 2021 चा हंगाम भारतात सुरू झाला होता, परंतु कोरोना संसर्गाची प्रकरणे मध्यभागी आल्यानंतर हंगाम यूएईला हलवावा लागला. 2022 चा हंगाम संपूर्णपणे भारतात आयोजित करण्यात आला होता, परंतु हंगामातील लीग टप्प्यातील सामने फक्त तीन शहरांमध्ये खेळले गेले. अहमदाबादमधील नरेंद्र मोदी स्टेडियम आणि कोलकात्याच्या ईडन गार्डन्स स्टेडियमवर प्लेऑफचे आयोजन करण्यात आले होते.

आयपीएल 2022 च्या मेगा लिलावात संघांना 90 कोटी रुपये रक्कम मिळाली होती, परंतु यंदाच्या लिलावासाठी ते 95 कोटी रुपये केले जाऊ शकते. गेल्या वर्षी एक मेगा लिलाव झाला होता, परंतु हंगामासाठी मिनी लिलाव होणार आहे. भारतीय क्रिकेट नियामक मंडळाच्या (BCCI) अध्यक्षपदावरून पायउतार होण्यापूर्वी सौरव गांगुलीने राज्य संघटनेला पाठवलेल्या पत्रात सांगितले होते की, यावेळी लीग होम आणि अवे स्वरूपात आयोजित केली जाईल.