IPL Tv Media Rights Sony: आयपीएलचे टेलिव्हिजन आणि डिजिटल अधिकार विकले गेले आहेत अशी माहिती सूत्रांकडून मिळत आहे. पुढील 5 वर्षांसाठी टीव्ही हक्क प्रति सामना 57.50 कोटी रुपये आणि डिजिटल हक्क 48 कोटी रुपये प्रति सामना या दराने विकले गेले आहेत. सोनी नेटवर्कने आयपीएल टीव्हीचे हक्क विकत घेतल्याची माहिती मिळत आहे. त्याची अधिकृत घोषणा अजून बीसीसीआयने केलेली नाही.

दरम्यान, पाच वर्षासाठी टीव्ही आणि डिजिटल हक्काच्या लिलावातून बीसीसीआय बक्कळ पैसा कमावण्याची शक्यता यापूर्वी वर्तवण्यात आली होती. या प्रक्षेपण हक्काच्या या लिलावामुळे आयपीएल ही जगातील दुसऱ्या क्रमांकाची सर्वात श्रीमंत लीग होणार आहे. बीसीसीआयने या लिलाव प्रक्रियेतून आयपीएलला जवळपास 50 हजार कोटी रूपयांपेक्षा जास्त रक्कम मिळणार असल्याचा अंदाज व्यक्त केला होता.

प्रत्येक पॅकेजसाठी वेगळी बोली

बीसीसीआयकडून अ, ब, क आणि ड असे चार पॅकेज तयार करण्यात आले आहेत. त्यानुसार टीव्ही, डिजिटल, शनिवार व रविवारच्या लढती तसेच प्ले ऑफ आणि परदेशातील हक्क असे चार वेगवेगळे पॅकेज आहेत. प्रत्येकाने या चारही पॅकेजसाठी विभिन्न बोली लावण्यात आली आहे. अ पॅकेजसाठी बोली लावणाऱ्यांची मूळ संपत्ती १ हजार कोटी असायला हवी, अशी अट होती. तसेच इतर पॅकेजसाठी मूळ संपत्ती ही ५०० कोटी अनिवार्य होती.