IPL Betting Case: आयपीएल 2013 मध्ये सट्टेबाजी केल्याप्रकरणी तुरुंगात असलेल्या दोन आरोपींची सुटका झाली आहे. मुंबईच्या सेशल कोर्ट मध्ये हा निर्णय घेतला गेला आहे. पुराव्याअभावी सेशल कोर्टने 9 वर्षांनंतर दोघांची सुटका केली आहे. मुंबई क्राइम ब्रँचने 9 वर्षांपूर्वी आयपीएल लीग मध्ये सट्टेबाजीचा गुन्हा दाखल केला होता.

याप्रकरणी अनेक मोठ्या लोकांना गुन्हे शाखेने अटक केले होते. याच प्रकरणात संजय छाबड़ा आणि संदीप छाबड़ा या दोघांवर पण गुन्हा दाखल करण्यात आला होता. 14 आणि 15 मे 2015 रोजी ज्या हॉटेलमधून सट्टेबाजी सुरू होती ती खोली त्यांच्या नावावर बुक केली होती.

मॅच फिक्सिंगमध्ये या दोघांबरोबर आजून काही लोक पण सामील होते. असं आरोप मुंबई पोलिसांनी केला होता. ज्यात आंतरराष्ट्रीय पंच असद रऊफचे पण नाव समोर आले होते. हे प्रकरण न्यायालयात गेल्यावर दोघांना पण कनिष्ठ न्यायालयाकडून दिलासा मिळाला नाही. त्यामुळे त्याने सत्र न्यायालयात धाव घेतली.

सत्र न्यायालयाने दोघांना दोषमुक्त करताना निकालात नमूद केले की, पंच असद रऊफ आणि दोन आरोपींमधील कथित संभाषण होत. त्यांच्यातील संभाषण दर्शवण्यासाठी कोणतेही पुरावे सादर केले गेले नाही. एका मेसेजमध्ये रऊफ आणि आरोपींपैकी एकाने यांच्यात संभाषण केले होते, ज्यामध्ये सट्टेबाजीसाठी कोणतीही रक्कम निश्चित केल्याचे कुठेही दिसून आलं नाही.