बंगळुरू: आयपीएल 2022 मेगा लिलावात (IPL 2022 Mega Auction) तामिळनाडूचा धडाकेबाज फलंदाज शाहरूख खानसाठी पंजाब किंग्ज आणि चेन्नई सुपर किंग्ज हे दोघेही भिडले. मात्र मुळचा चेन्नईचा असलेल्या शाहरूख खानला पंजाब किंग्जने 9 कोटी रूपये खर्चून खरेदी केले. (Chennai Bourn Shahrukh Khan Back in Punjab Kings After intense bidding war with Chennai super kings)

चेन्नई सुपर किंग्ज (Chennai super kings) मुळचा चेन्नईचा असलेला आणि तामिळनाडू प्रीमियर लीग, मुश्ताक अली ट्रॉफी गाजवलेल्या शाहरूख खानसाठी (Shahrukh Khan) आग्रही दिसत होती. चेन्नईच्या पाकिटात फक्त 20 कोटी शिल्लक असताना चेन्नईने शाहरूख खानसाठी बोली लावण्याचा धडाकाच लावला होता. त्यामुळे गेल्या हंगामातील शाहरूखचे मालक असलेल्या पंजाब किंग्जला (Punjab Kings) चांगलाच घाम फुटला.

या दोघांच्या बिडिंग वॉरमध्ये शाहरूख खान 50 लाखावरून 9 कोटी पर्यंत पोहचला. अखेर कमी बजेट राहिलेल्या चेन्नईने माघार घेत पंजाबला शाहरूख घेऊन जाऊ दिला. अखेर शाहरूखवरची पंजाबजी प्रिती जिंकली.