IPL 2023 : महेंद्रसिंग धोनीच्या नेतृत्वात मैदानात उतारणाऱ्या चेन्नई सुपर किंग्सने सोमवारी यंदाच्या आयपीएलमधील विजयाचा श्री गणेशा केला. चेन्नई सुपर किंग्जने कालच्या सामन्यात लखनौ सुपर जायंट्स संघाचा 12 धावांनी पराभव केला. गुजरात टायटन्स विरुद्धचा पहिला सामना 5 विकेट्सने गमावल्यानंतर चेन्नई सुपर किंग्जने जबरदस्त पुनरागमन केले.

चेन्नई सुपर किंग्जने आयपीएल 2023चा मध्ये पहिला विजय नोंदवला आहे. चेन्नई सुपर किंग्जला लखनौ सुपर जायंट्सविरुद्ध 12 धावांनी विजय मिळवून दिल्याबद्दल सीएसकेचा ऑफ-स्पिन अष्टपैलू मोईन अलीला 'मॅन ऑफ द मॅच' म्हणून गौरवण्यात आले.

लखनौ सुपर जायंट्स विरुद्धच्या आयपीएल सामन्यात मोईन अलीने गोलंदाजी करताना 4 षटकात 26 धावा देऊन 4 विकेट घेतल्या. यासाठी मोईन अलीची सामनावीर म्हणून निवड करण्यात आली.

लखनऊ सुपर जायंट्स विरुद्ध चेन्नईमध्ये झालेल्या आयपीएल सामन्यात मोईन अली नव्हे तर चेन्नई सुपर किंग्जचा दुसरा खेळाडू 'मॅन ऑफ द मॅच' ठरला होता, त्या खेळाडूच्या कामगिरीकडे कोणीही लक्ष दिले नाही, तो खेळाडू नसता तर लखनौ सुपर जायंट्सविरुद्ध चेन्नई सुपर किंग्जचा पराभव जवळपास निश्चित होता.

चेन्नई सुपर किंग्जच्या या खेळाडूवर अन्याय झाला. चेन्नई सुपर किंग्जला स्वबळावर जिंकून देणाऱ्या या स्टार खेळाडूची 'मॅन ऑफ द मॅच' म्हणून निवड झाली नाही. चेन्नई सुपर किंग्जचा हा धडाकेबाज खेळाडू दुसरा कोणी नसून स्वतः कर्णधार महेंद्रसिंग धोनी आहे. या सामन्यात महेंद्रसिंग धोनीने लखनौ सुपर जायंट्सविरुद्ध तुफानी फलंदाजी करताना 3 चेंडूत 12 महत्त्वपूर्ण धावा केल्या. महेंद्रसिंग धोनीच्या या खेळीत दोन गगनचुंबी षटकारांचा समावेश होता.

चेन्नई सुपर किंग्सने सोमवारी आयपीएल 2023 च्या सामन्यात लखनौ सुपर जायंट्स संघाचा 12 धावांच्या फरकाने पराभव केला. महेंद्रसिंग धोनीने शेवटच्या षटकात केलेली 12 धावांची ती अनमोल खेळी चेन्नई सुपर किंग्जच्या विजयाचे खरे कारण ठरली. महेंद्रसिंग धोनीने लखनौ सुपर जायंट्सविरुद्ध शेवटच्या षटकात 3 चेंडूत 12 महत्त्वपूर्ण धावा केल्या नसत्या तर चेन्नई सुपर किंग्जला हा सामनाही गमवावा लागला असता.

प्रथम फलंदाजी करताना चेन्नईने सात विकेट गमावत 217 धावा केल्या. प्रत्युत्तरात लखनौचा संघ 20 षटकांत सात गडी गमावून 205 धावाच करू शकला.