CSK vs RCB IPL 2023 : आयपीएल 2023 मध्ये यावेळी चेन्नई सुपर किंग्ज आणि आरसीबी यांच्यात सामना खेळला जात आहे. या सामन्यात आरसीबीचा कर्णधार फाफ डू प्लेसिसने नाणेफेक जिंकून प्रथम गोलंदाजी करण्याचा निर्णय घेतला. मात्र या सामन्यात अशी घटना घडली, ज्याने सर्वांचे लक्ष वेधून घेतले आहे.

चेन्नई सुपर किंग्जच्या डावातील 20 वे षटक हर्षल पटेलने टाकले, पण त्याला अचानक गोलंदाजी करण्यापासून रोखण्यात आले. हर्षलच्या 20व्या षटकातील पहिल्या चेंडूवर रवींद्र जडेजाने 1 धाव घेतली. त्यानंतर त्याने दुसरा चेंडू मोईन अली खेळत असताना टाकला, जो कमरेच्या वर होता (बीमर बॉल). पंचांनी त्याला नो बॉल म्हटले, त्यावर आरसीबी संघाने रिव्ह्यू घेतला, पण मैदानावरील पंचाचा निर्णय योग्य मानला गेला. मग फ्री हिटवर, सीएसकेला लेग बाय म्हणून एक धाव मिळाली. यानंतर हर्षल पटेलने वाईड बॉल टाकला.

हर्षल पटेलने तिसरा चेंडू मोईन अलीकडे यॉर्कर टाकण्याचा प्रयत्न केला, पण तो कमरेच्या वर गेला, ज्यावर CSK संघाने DRS घेतला आणि त्याला नो बॉल घोषित केले. अशाप्रकारे, षटकात दोन नो बॉल (बीमर बॉल) टाकल्यामुळे हर्षलला गोलंदाजी करण्यापासून रोखले गेले आणि त्याच्या जागी ग्लेन मॅक्सवेलने षटक पूर्ण केले.

हर्षल पटेल सीएसकेविरुद्ध सपशेल अपयशी ठरला. त्याने 3.2 षटकात 36 धावा दिल्या आणि फक्त एक विकेट मिळाली. ते खूपच महागडा ठरला. त्याच्या बॉलिंगचा सीएसकेच्या फलंदाजांनी चांगलाच समाचार घेतला.

हर्षल पटेल 2012 पासून आयपीएलमध्ये खेळत आहे. त्याने आतापर्यंत आयपीएलच्या 83 सामन्यात 103 विकेट्स घेतल्या आहेत. आयपीएल 2022 मध्ये त्याने अप्रतिम कामगिरी करत 32 विकेट्स घेतले होते. तो स्लो बॉलवर विकेट घेण्यासाठी ओळखला जातो.