कराची : आयपीएलचा मेगा लिलाव (IPL 2022 Mega Auction ) येत्या 12 आणि 13 फेब्रुवारीला बंगळुरूमध्ये होणार आहे. यासाठी सर्वच संघ तयारीला लागले आहेत. पाकिस्तान सुपर लीगमध्ये (Pakistan Super League ) सध्या मुल्तान सुल्तान संघाचे प्रशिक्षक अँडी फ्लॉवर (Andy Flower) देखील PSL अर्ध्यावर सोडून भारतात परतणार आहे. अँडी फ्लॉवर आयपीएलमधील नवा संघ लखनौ सुपरजायंटचा (Lucknow SuperGiants) मुख्य प्रशिक्षक आहे. (IPL Auction 2022 Andy Flower Will Left Pakistan Super League)

झिम्बावेचे एकेकाळचा सर्वात यशस्वी क्रिकेटर असलेला अँडी फ्लॉवर मुल्तान सुल्तानचा प्रशिक्षक आहे. गेल्या वर्षी मुल्तान सुल्तानने गेल्या हगामात पीएसएलचे (PSL2022) विजेतेपद पटकावले होते. मुल्तान सुल्तानने माध्यमांना दिलेल्या माहितीनुसार अँडी फ्लॉवर हे काही दिवस व्हिडिओ कॉन्फरन्सिंग द्वारे उपलब्ध राहणार आहेत आणि ते 13 फेब्रुवारीला पाकिस्तानला परततील. यादरम्यान ते भारतातील आयपीएल मेगा लिलावात सहभागी होतील. तब्बल 10 दिवस मुल्तान सुल्तान (Multan Sultans) त्यांच्या मुख्य प्रशिक्षकांविनाच खेळणार आहे.

मुल्तान सुल्तान पेशावर झाल्मी आणि लाहोर कलंदर्स यांच्याविरूद्धचे सामने अँडी फ्लॉवर शिवाय खेळणार आहे. फ्लॉवर मुल्तान सुल्तान विरूद्ध कराची किंग्ज यांच्यात 16 फेब्रुवारी रोजी होणाऱ्या सामन्यापूर्वी पाकिस्तानला परतेल. दरम्यानच्या काळात पाकिस्तानचा फिरकीपटू मुश्ताक अहमद आणि इतर प्रशिक्षक संघाला मार्गदर्शन करतील.