Royal Challengers Bangalore vs Rajasthan Royals : प्रथम फलंदाजी करणाऱ्या रॉयल चॅलेंजर बेंगलोरने खराब सुरूवातीनंतर 15 षटकात 156 धावांपर्यंत मजल मारली होती. त्याचवेळी आरसीबी 200 पार धावसंख्या उभारेल असे वाटत होते. मात्र राजस्थान रॉयल्सने शेवटच्या 5 षटकात आरसीबीचे 4 फलंदाज बाद करत त्यांना 189 धावात रोखले.
आरसीबीकडून फाफ ड्युप्लेसिस (62) आणि ग्लेन मॅक्सवेल (77) यांनी तिसऱ्या विकेटसाठी 127 धावांची भागीदारी रचली. राजस्तानकडून ट्रेंट बोल्ट आणि संदीप शर्मा यांनी प्रत्येकी 2 विकेट्स घेतल्या तर यशस्वी जैसवालने दोन धावबाद केले. आजच्या सामन्यात आरसीबीचे तीन फलंदाज धावबाद झाले.
नाणेफेक जिंकून प्रथम गोलंदाजी करणाऱ्या राजस्थान रॉयल्सने आरसीबीला पहिल्याच चेंडूवर मोठा धक्का दिला. ट्रेंट बोल्टने कर्णधार विराट कोहलीचा पायचीत बाद केले. आपल्या पहिल्याच षटकात विराट कोहलीला बाद करणाऱ्या बोल्टने दुसऱ्या षटकात शाहबाज अहमदला बाद करत आरसीबीला दुसरा धक्का दिला.
पॉवर प्लेच्या सुरूवातीलाच दोन धक्के बसलेल्या आरसीबीला फाफ ड्युप्लेसिस आणि ग्लेन मॅक्सवेल यांनी सावरले. या दोघांनी तिसऱ्या विकेटसाठी नाबाद 80 धावांची भागीदारी रचत संघाला 10 षटकात 101 धावांपर्यंत पोहचवले. आक्रमक मॅक्सनेलने 27 चेंडूत नाबाद अर्धशतक ठोकले. तर ड्युप्लेसिसने देखील 26 चेंडूत 40 धावा करत त्याला चांगली साथ दिली.
मॅक्सवेलनंतर फाफ ड्युप्लेसिसनेही आपले अर्धशतक पूर्ण केले. या दोघांनी तिसऱ्या विकेटसाठी 127 धावांची शतकी भागीदारी रचली. मात्र एक चोरटी धाव घेण्याच्या नादात फाफ ड्युप्लेसिस 62 धावांवर धावबाद झाला. त्यानंतर 44 चेंडूत 77 धावा ठोकणाऱ्या ग्लेन मॅक्सवेलला अश्विनने बाद करत आरसीबीला मोठा धक्का दिला.
मॅक्सवेल आणि ड्युप्लेसिस बाद झाल्यानंतर चहलने महिपाल लोमरोरला 8 धावांवर बाद केले. तर सुरेश प्रभुदेसाई शुन्यावर धावबाद झाला. त्यामुळे आता दिनेश कार्तिक आणि वानिंदु हसरंगावर शेवटच्या तीन षटकात धावांची गती वाढवण्याची जबाबदारी होती. मात्र हसरंगा 6 तर दिनेश कार्तिक 16 धावा करून बाद झाला.
शेवटचे षटक टाकणाऱ्या संदीप शर्माने दिनेश कार्तिक विजयकुमार विशाखला पाठोपाठ बाद केले. मात्र डेव्हिड विलीने पाचव्या चेंडूवर चौकार मारत आरसीबीला 20 षटकात 9 बाद 189 धावांपर्यंत पोहचवले.
हेही वाचा : संतुलित आहारातून रोखा फॅटी लिव्हरचा आजार
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.