मुंबई : मुंबई इंडियन्सने कट्टर प्रतिस्पर्धी चेन्नई सुपर किंग्जचा 5 विकेट्सनी पराभव केला. प्रथम गोलंदाजी करणाऱ्या मुंबईने इंग्लंडला 97 धावातच गुंडाळले. त्यानंतर चेन्नईने देखील मुंबईला विजयासाठी चांगलेच झुंजवले. त्यांनी मुंबईची अवस्था 4 बाद 33 धावा अशी केली होती. अखेर तिलक वर्मा आणि ऋतिक शोकीनने भागीदारी रचून मुंबईला विजयाच्या जवळ पोहचवले. त्यानंतर टीम डेव्हिडने आक्रमक फटकेबाजी करत 14.5 षटकात 103 धावा करत टार्गेट पूर्ण केले. मुंबईकडून गोलंदाजीत डॅनियल सॅम्सने 3 तर चेन्नईकडून मुकेश चौधरीने 3 विकेट घेतल्या. सीएसकेचा कर्णधार महेंद्रसिंह धोनीने नाबाद 36 धावा केल्याने सीएसके 97 धावांपर्यंत पोहचू शकली.

Highlights :

मुंबईची 4 बाद 33 अशी बिकट अवस्था झाली असताना तिलक वर्माने संयमी खेळी करत विजयापर्यंत पोहचवले. त्याने नाबाद 34 धावांची खेळी करत मुंबईला 5 विकेट्सनी विजय मिळवून दिला.

चेन्नईने 98 धावांचे माफक आव्हान पार करताना मुंबईची सुरूवात देखील खराब झाली. पहिल्याच षटकात इशान किशन 6 धावा करून बाद झाला. त्याला मुकेश चौधरीने बाद केले. त्यानंतर सिमरजित सिंगने रोहित शर्माला 18 धावांवर बाद करत मुंबईला दुसरा धक्का दिला. यानंतर मुंकेश चौधरीने पाचव्या षटकात डॅनियल सॅम्स आणि ट्रिस्टन स्टब्सला शुन्यावर बाद करत मुंबईची अवस्था 4 बाद 33 अशी केली.

मुंबईच्या मेरेडिथने शिवम दुबेला 10 धावांवर बाद करत चेन्नईला 6 वा धक्का दिला.

मॅरेडिथने अंबाती रायुडूला 10 धावांवर बाद करत चेन्नईला पाचवा धक्का दिला.

पहिल्याच षटकात चेन्नईला दोन धक्के देणाऱ्या डॅनियल सॅम्सने ऋतुराज गायकवाडला 7 धावांवर बाद करत चौथा धक्का दिला.

जसप्रीत बुमराहने रॉबिन उथप्पाला 1 धावेवर बाद करत चेन्नईला दुसऱ्याच षटकात तिसरा धक्का दिला.

डॅनियल सॅम्सने पहिल्याच षटकात चेन्नई सुपर किंग्जला दोन धक्के दिले. त्याने दुसऱ्याच चेंडूवर गेल्या सामन्यातील हिरो डेवॉन कॉनवॉयला शुन्यावर बाद केले. त्यानंतर आलेल्या मोईन अलीला चौथ्या चेंडूवर बाद केले.

मुंबई इंडियन्सने नाणेफेक जिंकून प्रथम गोलंदाजी करण्याचा निर्णय घेतला.

मुंबई इंडियन्सकडून ट्रिस्टन स्टब्स करणार आजच्या सामन्यात पदार्पण