मुंबई : दिल्ली कॅपिटल्समधील (Delhi Capitals) एका पाठोपाठ एक खेळाडू कोरोना पॉझिटिव्ह (Coronavirus) आढळून येत आहेत. या पार्श्वभूमीवर विलगीकरणात असलेल्या दिल्लीला प्रवास बंदी करण्यात आल्याने त्यांचा पंजाब किंग्ज विरूद्धचा सामना पुण्याऐवजी मुंबईत शिफ्ट केला होता. आता दिल्लीचा 22 एप्रिल रोजी पुण्याच्या एमसीए (Pune MCA Stadium) मैदानावर होणार राजस्थान रॉयल्स (Rajasthan Royals) विरूद्धचा सामना देखील मुंबईत हलवण्यात आला आहे. हा सामना आता वानखेडे स्टेडियमवर होत आहे. याबाबतची माहिती बीसीसीआयने आजचा सामना सुरू होण्यापूर्वी दिली.

दिल्ली कॅपिटल्स आणि राजस्थान रॉयल्स यांच्यातील सामना 22 एप्रिलला पुण्याच्या एमसीए स्टेडियमवर होणार होता. मात्र दिल्लीच्या संघातील खेळाडूंना कोरोनाची लागण झाल्याने त्यांच्या प्रवासावर बंधने आली आहेत. त्यामुळे बुधवारी 20 एप्रिलला पंजाब किंग्ज बरोबरचा पुण्यात होणारा सामना मुंबईच्या ब्रेबॉर्न स्टेडियमवर हवलण्यात आला होता. आता दिल्लीचा पुण्यात होणारा दुसरा सामना देखील मुंबईत हवलण्यात आला आहे. आधीच पुण्याच्या वाट्याला मुंबईतील स्टेडियमपेक्षा कमी आयपीएलचे सामने आले होते. पुण्यात आयपीएलचे 15 सामने होणार होते. मात्र आता दिल्लीचे पुण्यातील दोन्ही सामने मुंबईत हलवण्यात आले आहेत.

दिल्लीच्या संघातील जवळपास सहावा सदस्य आज कोरोना पॉझिटिव्ह आढळून आला. न्यूझीलंडचा विकेट किपर टीम सैफर्टची आरटी - पीसीआर चाचणी पॉझिटिव्ह आली आहे. त्यामुळे संपूर्ण दिल्ली कॅपिटल्सच्या संघाला दुहेरी कोरोना चाचणी प्रक्रियेतून जावे लागले. त्यानंतर आता दिल्ली आणि पंजाब किंग्जमधील सामना ब्रेबॉर्नवर सुरू झाला आहे.