विराट कोहली आणि रॉयल चॅलेंजर बेंगलोर (Royal Challangers Benglore) हे समिकरण आयपीएलच्या पहिल्या हंगामापासून अबाधित आहे. विराट कोहली (Virat Kohli) हा आयपीएल इतिहासातील बहुदा एकमेव खेळाडू आहे जो आयपीएलच्या (IPL) पहिल्या हंगामापासून आतापर्यंत एकाच संघाकडून खेळला आहे. विराट कोहलीने आरसीबीचे गेली आठ वर्षे नेतृत्व केले. आता त्याने आरसीबीच्या कर्णधारपदाचा राजीनामा दिला आहे. दरम्यान, आरसीबीने आपल्या सोशल मीडिया प्लॅटफॉर्मवर विराट कोहलीच्या संघासोबतच्या या प्रवासावर पॉडकास्ट प्रसिद्ध केले आहेत. या पॉडकास्टमध्ये विराट कोहलीने आपण आरसीबी का सोडली नाही याचे कारण सांगितले. (IPL 2022 Virat Kohli Statement About Not Leaving Royal Challengers Benglore)

विराट कोहलीने आरसीबीसाठी (RCB) अनेक मॅच विनिंग खेळी साकारल्या आहेत. मात्र आरसीबीला अजूनही आयपीएल जिंकता आलेली नाही. तरीही विराट कोहली आणि आरसीबीचं नातं अबाधित आहे. विराटने सांगितले की, काही वेळा काही संघांनी त्याच्याशी संपर्क साधला होता. त्यांनी काही करून लिलावत उतर असे सांगितले होते मात्र मी याच्यावर विचार केला.

विराट कोहलीने या पॉडकास्टमध्ये (RCB Podcast) आरसबी सोबतच्या अनेक आठवणींना उजाळा दिला. तो मिळालेल्या प्रेमाबद्दल म्हणतो की 'जर तुम्ही चांगली व्यक्ती असाल तर लोकांना तुम्ही आवडता. जर तुम्ही वाईट व्यक्ती असाल तर ते तुमच्यापासून दूर राहतात. आयुष्य असंच असतं.'

याबाबत विराट कोहली पॉडकास्टमध्ये म्हणाला की, 'आरसीबी बरोबरची एकनिष्ठता ही मी माझ्या आयुष्यात काही मुल्ये जपतो त्यासारखी आहे. चार-पाच लोकं अखेर तू एखाद्या संघाकडून आयपीएल जिंकलासच असे म्हणण्यापेक्षा मी आरसीबी सोबतच्या माझ्या एकनिष्ठतेला जास्त महत्व देतो. कारण कोणत्याही संघाकडून आयपीएल जिंकण तुम्हाला पाच मिनटाचा आनंद देऊन जाईल मात्र तुम्ही आयुष्यातील इतर गोष्टींनी दुःखी व्हाल.'

विराट कोहली पुढे म्हणाला की, 'या फ्रेंचायजीने मला पहिल्या तीन वर्षात जे काही दिले. माझ्यावर विश्वास ठेवला ही सर्वात खास गोष्ट आहे. अनेक संघांना मला घेण्याची संधी होती. त्यांनी मला पाठिंवा दिला नाही. त्यांनी माझ्यावर विश्वास ठेवला नाही.'