IPL 2024 Viewership Record : इंडियन प्रीमियरल लीगने यंदाच्या हंगामात सर्वच बाबतीत रेकॉर्ड ब्रेक कामगिरी केली आहे. आयपीएलच्या इतिहासातील सर्वात मोठी धावसंख्या देखील याच हंगामात झाली अन् ब्रॉडकास्ट व्ह्युवरशिपच्या बाबतीत देखील रेकॉर्ड ब्रेक याच हंगामात झालं आहे. आयपीएलच्या पहिल्या 10 सामन्यात डिस्ने स्टारची प्रेक्षक संख्या ही 35 कोटींच्या घरात पोहचली आहे.

याचबरोबर एकूण वॉच टाईम देखील यंदाच्या हंगामात वाढला आहे. यंदाच्या हंगामात वॉच टाईममध्ये 20 टक्क्यांनी वाढ झाली आहे. ही आकडेवारी आयपीएल 2024 च्या पहिल्या 10 सामन्यांची आहे.

डिस्ने स्टारचे स्पोर्ट्स हेड संजोग गुप्ता यांनी सांगितले की, 'आम्हाला टाटा आपीएल 2024 च्या रेकॉर्ड ब्रेक प्रेक्षक संख्येचे आकडे पाहून आनंद होत आहे. डिस्नेने गेल्या वर्षीचा हंगामापेक्षा यंदाच्या हंगामात जबरदस्त कामगिरी केली आहे. चाहत्यांना केंद्रस्थानी ठेवून आम्ही काम केलं.'

ते पुढे म्हणाले की, 'स्टार स्पोर्ट्सवरप्रेमाणे आम्हाला देखील चाहत्यांचा खंबीर पाठिंबा अन् प्रेम मिळालं. यामुळे आयपीएलची एकूण क्षमता याचबरोबर टीव्हीवरली त्यांची भविष्यातील वाढ याबाबत देखील एक विश्वासाचं वातावरण तयार झालं आहे. याचबरोबर वाढलेली आकडेवारी ही चाहत्यांना एक उत्तम अनुभव देण्याच्या आमच्या प्रयत्नांना मिळलेलं यश दर्शवतं. आम्ही ब्रॉडकास्टिंगमध्ये नाविण्यपूर्ण प्रयोग केले.'