Jitesh Sharma Captain PBKS vs SRH : पंजाब किंग्जचा विकेटकिपर फलंदाज जितेश शर्मा पंजाब किंग्जचा कर्णधार होणार आहे. तो आयपीएल 2024 च्या शेवटच्या सामन्यात पंजाबचे नेतृत्व करेल. हा सामना सनराईजर्स हैदराबाद विरूद्ध होणार आहे. पंजाब किंग्जचा काळजीवाहू कर्णधार सॅम करन मायदेशी परतला असून तो पाकिस्तानविरूद्ध टी 20 सामन्यांची मालिका खेळणार आहे. शिखर धवन दुखापतीमुळे संघाबाहेर आहे. तो अजून संघात परतलेला नाही.

पंजाब किंग्जचा संघ यंदाच्या हंगामात सर्वात आधी प्ले ऑफच्या रेसमधून बाहेर फेकला गेला होता. पंजाब किंग्जला यंदाच्या हंगामात आतापर्यंत फक्त 5 सामने जिंकता आले आहे. त्यांना आठ सामन्यात पराभव पहावा लागला होता. सध्या ते गुणतालिकेत नवव्या स्थानावर आहेत.

पंजाब किंग्जने हंगामाच्या सुरूवातीलाच जितेश शर्माला उपकर्णधार केलं होतं. मात्र शिखर धवनच्या अनुपस्थितीत त्याच्याकडे संघाचं नेतृत्व देण्यात आलं नाही. त्याच्या ऐवजी सॅम करनला कर्णधार करण्यात आलं. इंग्लंडचा अष्टपैलू सॅम करनच्या नेतृत्वाखाली पंजाबच्या संघाला फार मोठं यश काही मिळालं नाही.

पंजाब किंग्ज संघ :

प्रभसिमरन सिंग, रिली रूसो, शशांक सिंह, जितेश शर्मा (w/c), हरप्रीत ब्रार, हर्षल पटेल, नाथन एलिस, राहुल चहर, अर्शदीप सिंग, विद्वत कवेरप्पा, आशुतोष शर्मा, तनय त्यागराजन, ऋषी धवन, हरप्रीत सिंग भाटिया, शिखर धवन, ख्रिस वोक्स, अथर्व तायडे, शिवम सिंग, प्रिन्स चौधरी, विश्वनाथ सिंह

(IPL 2024 Marathi News)