Most Fastest Ball In IPL 2022: आयपीएलच्या 15 व्या हंगामात आज गुजरात टायटन्स आणि राजस्थान रॉयल्स यांच्यात फायनल होत आहे. राजस्थानने नाणेफेक जिंकून प्रथम फलंदाजी करण्याचा निर्णय घेतला. दरम्यान, गुजरात टायटन्सचा वेगवान गोलंदाज लॉकी फर्ग्युसनने राजस्थान रॉयल्स विरुद्ध आयपीएल 2022 च्या अंतिम सामन्यात 157.3kmph वेगाने बॉल टाकला. आयपीएलच्या हंगामातील सर्वात वेगवान चेंडू टाकला आहे. आयपीएलमधील सर्वात वेगवान चेंडूंच्या बाबतीत दुसऱ्या स्थानावर पोहोचला आहे.
राजस्थान रॉयल्सच्या डावच्या पाचव्या षटकात गोलंदाजी करण्यासाठी आलेल्या फर्ग्युसनने तिसरा चेंडू ताशी 154 किमी वेगाने टाकला. त्यानंतरच त्याने पुढचा चेंडू ताशी 153 किमी वेगाने केला. फर्ग्युसनने षटकातील शेवटचा चेंडू 157.3 किमी प्रतितास वेगाने टाकला. आयपीएलमध्ये सर्वात वेगवान चेंडू टाकण्याचा विक्रम शॉन टेटच्या नावावर आहे. 2011 मध्ये राजस्थान रॉयल्सकडून खेळताना, टाटने दिल्ली कॅपिटल्सकडून खेळत असलेल्या आरोन फिंचला 157.7 किमी प्रतितास वेगाने गोलंदाजी केली .
आयपीएल या हंगामात सनरायझर्स हैदराबादचा वेगवान गोलंदाज उमरान मलिकने दिल्ली कॅपिटल्सविरुद्धच्या सामन्यात रोव्हमन पॉवेलसमोर 157 किमी प्रतितास वेगाने बॉल टाकला होता. अल्झारी जोसेफच्या जागी फर्गसुयानला प्लेइंग इलेव्हनमध्ये स्थान देण्यात आले. राजस्थानविरुद्धच्या पहिल्या क्वालिफायरमध्ये तो प्लेइंग इलेव्हनचा भाग नव्हता.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.