मुंबई इंडियन्सचा(Mumbai Indians) संघ प्ले ऑफच्या स्पर्धेतून बाहेर पडला आहे. 11 मॅच खेळणाऱ्या मुंबई संघाला यंदा केवळ 2 मॅचवर कब्जा मिळवता आला आहे. काल झालेल्या सामन्यात मुंबईने चैन्नईचा 5 विकेट्सने पराभव केला. या सामन्यानंतर रोहित शर्माने तिलक वर्मा (Tilak Varma) संदर्भात मोठे वक्तव्य केले आहे. तर टीम इंडियाच्या माजी दिग्गज क्रिकेटरने19 वर्षीय युवा खेळाडू तिलक लवकरच मुंबई इंडियन्स संघाचा कर्णधार होणार असल्याचे म्हटले आहे.

सीएसकेवर विजय मिळवल्यानंतर मुंबईचा कर्णधार रोहित शर्माने तिलक वर्मा लवकरच टीम इंडियाकडून खेळताना दिसेल. कठीण परिस्थितीत त्याने चांगली कामगिरी केली. इतक शांतपणे खेळण अवघड आहे. तो सर्व फॉरमॅटचा खेळाडू आहे. त्याच्याकडे चांगले प्रदर्शन करण्याची ताकद आहे. माझ्या मते तो योग्य मार्गावर आहे. आमच्या सर्वांचे लक्ष त्याच्या खेळावर आहे. असे मत रोहितने यावेळी व्यक्त केले.

तसेच, स्टार स्पोर्ट्सवर कमेंट्री करत असणारे माजी टीम इंडियाचे खेळाडू आकाश चोपडा हे तिलक वर्माची तुफानी खेळी पाहून चकित झाले आहेत. त्यांनी चेन्नई विरुद्ध मुंबई सामन्यादरम्यान, रोहितनंतर मुंबईच्या संघाची कर्णधार पदाची धुरा कोण सांभाळणार याची भविष्यवाणी केली आहे.

तिलक वर्मा हा मुंबई इंडियन्सचा आगामी कर्णधार असल्याचे आकाश चोपडा यांनी म्हटले आहे. त्याने आत्तापर्यंत 12 मॅचमध्ये 41 च्या सरासरीने 368 धावा केल्या आहेत. विशेष म्हणजे संघातील असा एकही खेळाडून नाही ज्याने 350 पर्यंत धावा केल्या आहे. तिलकने 2 अर्धशतक झळकावले आहेत.