PBKS vs GT Mohit Sharma : आयपीएल 2023 च्या 18 व्या सामन्यात आज गुजरात टायटन्स पंजाब किंग्जला त्यांच्याच होम ग्राऊंडवर मोहालीवर आव्हान देणार आहे. दोन्ही संघांनी गेले सामने गमवाले होते. त्यामुळे आजचा सामना जिंकून दोन्ही संघ विजयी ट्रॅकवर परतण्याचा प्रयत्न करतील.

दरम्यान, सामना सुरू होण्यापूर्वी गुजरात टायटन्सने एक मोठी खेळी खेळली. त्यांनी भारताकडून खेळलेल्या 34 वर्षाच्या मध्यमगती गोलंदाजाला गुजरात टायटन्सकडून पदार्पणचाी संधी दिली आहे. युवा खेळाडूंचा भरणा असलेल्या गुजरातने ही खेळी खास शिखर धवनसाठी खेळली आहे. शिखर धवन आयपीएलच्या 16 व्या हंगामात भलत्याच फॉर्ममध्ये आहे. गेल्या हैदराबादविरूद्धच्या सामन्यात त्याने झुंजार 99 धावांची खेळी केली होती.

अशा या शिखर धवनला बाद करण्यासाठी हार्दिक पांड्याने मोहित शर्माला गुजरातकडून पदार्पणाची संधी दिली आहे. विशेष म्हणजे मोहित शर्माने गेल्या 10 टी 20 सामन्यात शिखर धवनला तब्बल 4 वेळा बाद केले आहे. त्यामुळेच हार्दिकने नवीन चेंडूवर मोहित शर्माला संधी देणे पसंत केले. हार्दिक मोहितचा कोटा पॉवर प्लेमध्येच संपवून घेण्याची देखील शक्यता आहे.

(Sports Latest News)

हेही वाचा : Credit Card फसवणूक....काय घ्याल काळजी?