Shikhar Dhawan IPL 2023 : आयपीएलमध्ये राजस्थान रॉयल्स आणि पंजाब किंग्ज यांच्यात काल सामना झाला. या सामन्यात पंजाब किंग्जला पराभवाचा सामना करावा लागला. आयपीएलमधील शेवटच्या साखळी सामन्यात राजस्थान रॉयल्सविरुद्ध पराभव स्वीकारल्यानंतर पंजाब किंग्ज संघ विजेतेपदाच्या शर्यतीतून बाहेर पडला आहे.

या सामन्यात पंजाब किंग्जला खराब फलंदाजीमुळे पराभवाला सामोरे जावे लागले आहे. टॉप ऑर्डरच्या अपयशामुळे पुन्हा एकदा पंजाब किंग्जला मोठी धावसंख्या करता आली नाही. या सामन्यातील पराभवानंतर शिखर धवनने आपला संघ हा सामना का हरला हे सांगितले.

पंजाब किंग्जचा कर्णधार शिखर धवन सामन्यानंतर म्हणाला की, त्यांच्या संघाने 15-20 धावा कमी केल्या. खराब सुरुवातीनंतर जितेश, शाहरुख आणि करणने त्याला सामन्यात परत आणले पण आम्ही चांगली गोलंदाजी केली नाही. एका सामन्यातील तिन्ही विभागात आपण चांगली कामगिरी करू शकलो ना :ही. या हंगामात एक कर्णधार म्हणून मी खूप काही शिकलो.

सामनावीर देवदत्त पडिक्कल (51) आणि यशस्वी जैस्वाल (50) यांनी शिमरॉन हेटमायरच्या 46 धावांनंतर अर्धशतके झळकावल्यामुळे राजस्थान रॉयल्सने इंडियन प्रीमियर लीग प्लेऑफमध्ये पोहोचण्याच्या त्यांच्या आशा जिवंत ठेवल्या. प्रथम फलंदाजी करताना पंजाबने पाच गडी गमावून 187 धावा केल्या मात्र राजस्थानने दोन चेंडू राखून सहा विकेट गमावून लक्ष्य गाठले.

सॅम करनच्या नाबाद 49 धावांच्या खेळीबरोबरच पाचव्या विकेटसाठी जितेश शर्मा (44) सोबत 44 चेंडूत 64 आणि सहाव्या विकेटसाठी शाहरुख खान (नाबाद 41) बरोबर 37 चेंडूत 73 धावांची भागीदारी केली. किंग्जने आव्हानात्मक धावसंख्या उभारली, पण खराब गोलंदाजी त्यांच्या संघाला महागात पडली. राजस्थानचा प्रवास संपवण्याची चांगली संधी पंजाबकडे होती. पण त्याचा संघ तसे करू शकला नाही आणि पंजाबला पराभवाने आयपीएल 2023 चा प्रवास संपवावा लागला.