Rajasthan Royals vs Gujarat Titans : गुजरात टायटन्स आणि राजस्थान रॉयल्स यांच्यातील सामन्यात राजस्थानचा प्रथम फलंदाजी करण्याचा निर्णय फारसा काही फळाला आला नाही. गुजरातने त्यांचा संपूर्ण संघ 118 धावात गारद करत सामन्यावर आपली मजबूत पकड मिळवली आहे. गुजरातकडून फिरकीपटू राशिद खान आणि नूर अहमद यांनी भेदक मारा करत राजस्थानचा निम्मा संघ गारद केला. राजस्थानकडून संजू सॅमसनने सर्वाधिक 30 धावा केल्या.
गुजरातचा कर्णधार हार्दिक पांड्याने राजस्थान रॉयल्सला पहिला धक्का दिला. त्याने सलामीवीर जॉस बटलरला 8 धावांवर बाद केले.
राजस्थानचा सलामीवीर बटलर 8 धावा करून बाद झाल्यानंतर दुसरा सलामीवीर यशस्वी जैसवाल देखील 14 धावा करून बाद झाला. दरम्यान, कर्णधार संजू सॅमसनने 30 धावा करत संघाला अर्धशतक पार करून दिले. मात्र जोशुआ लिटीलने त्याची खेळी संपवली.
राजस्थानचे तगडे फलंदाज बाद झाल्यानंतर राशीद खानने अश्विनला 4 तर रियान परागला 2 धावांवर बाद करत राजस्थानची अवस्था 10 षटकात 5 बाद 72 अशी केली.
यानंतर देवदत्त पडिक्कल आणि हेटमाय यांच्यावर राजस्थानचा डाव सावरण्याची जबाबदारी होती. मात्र नूर अहमदने पडिक्कला 12 धावांवर बाद केले. त्यानंतर नूरने ध्रुव जुरेलची शिकार केली. हेटमायरही राशिद खानच्या गोलंदजीवर 8 धावा करून बाद झाला. राजस्थानची अवस्था 8 बाद 96 अशी झाली होती. अखेर ट्रेंट बोल्टने 15 आणि एडम झाम्पाने 7 धावा करत राजस्थानला शंभरी पार करून दिली. अखेर झाम्पा धावबाद झाला अन् राजस्थानचा डाव 118 धावात संपुष्टात आला.
हेही वाचा : Types of Vedas: वेदांचे प्रकार
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.