Rishabh Pant Fitness IPL 2024 : आयपीएल 2024 चा हंगाम सुरू होण्यास अवघे काही दिवस राहिले आहेत. त्यापूर्वीच दिल्ली कॅपिटल्स आणि ऋषभ पंतसाठी एक आनंदाची बातमी मिळाली आहे. दिल्लीचा कर्णधार ऋषभ पंतला आयपीएल 2024 खेळण्याची परवानी मिळाली आहे. त्याला फिटनेस सर्टिफिकेट मिळालं आहे.
यापूर्वी ऋषभ पंतला दिल्ली कॅपिटल्सने आपल्या स्क्वॉडमध्ये ठेवलं नसल्याचं वृत्त समोर आलं होत. काही माध्यमांनी दिलेल्या माहितीनुसार पंतला एनसीएकडून फिटनेस सर्टिफिकेट मिळालं नव्हतं. दिल्ली कॅपिटल्सने एनसीएकडून पंतच्या फिटेनसचं सर्टिफिकेट मागितलं होतं. मात्र बीसीसीआयच्या संघ व्यवस्थापनाकडून याबाबत कोणतच उत्तर मिळालं नव्हतं.
मात्र आज तकने दिलेल्या सूत्रांच्या हवाल्याने सांगितले की, पंतला फिटनेस सर्टिफिकेट मिळालं आहे. तो दिल्लीकडून कर्णधारपदही भुषवताना दिसणार आहे. आयपीएलची सुरूवात 22 मार्चपासून होणार आहे.
पंत सध्या आयपीएल 2024 संदर्भातील काही जाहिरातींचे शूटिंग करण्यात व्यग्र आहे. तो काही दिवसातच दिल्लीत येऊ शकतो. दिल्लीचा संघ आयपीएल हंगामातील आपल्या सुरूवातीचे काही सामने विशाखापट्टणम येथे खेळणार आहे. आता पंत देखील संघासोबत वाझॅकमध्ये दिसेल.
IPL मध्ये ऋषभ पंत कोणत्या भूमिकेत दिसणार? तो संघाचे कर्णधारपद भूषवताना दिसेल की खेळाडू म्हणून खेळताना दिसेल? या प्रश्नांबाबत आज तकने दिल्ली कॅपिटल्स फ्रँचायझीच्या अधिकाऱ्यांशी संपर्क साधला होता.
मात्र दिल्ली कॅपिटल्सकडून त्यांच्याकडून कोणतीही अधिकृत प्रतिक्रिया आली नाही. पण दिल्ली फ्रँचायझी ऋषभ पंतची आंतरराष्ट्रीय कारकीर्द लक्षात घेऊन त्याच्यावर कोणताही दबाव टाकणार नाही, असे सूत्रांनी सांगितले. पंत यष्टीरक्षक फलंदाज म्हणून खेळण्याची शक्यता दिसत नाही. तो सुरूवातीला फक्त फलंदाज म्हणून संघात खेळण्याची शक्यता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.