Rohit Sharma IPL Broadcaster Controversy : रोहित शर्माने आयपीएल ब्रॉडकास्टरवर सोशल मीडियावरून पोस्ट करत जाळ काढला. खासगी संभाषणाचे व्हिडिओ लीक करण्याचा आरोप करत रोहित शर्माने ब्रॉडकास्टर्सना इशाराच दिला.

आयपीएल ब्रॉडकास्टर्सनी मुंबई इंडियन्स आणि कोलकाता नाईट रायडर्स यांच्यातील सामन्यावेळी रोहितच्या खासगी संभाषणाची क्लिप प्रक्षेपित केली होती. या क्लिपमध्ये रोहित शर्मा आणि केकेआरचा कोच अभिषेक शर्मा यांच्यातील संभाषण ऑडियोसकट प्रक्षेपित करण्यात आलं. यानंतर रोहितने ट्विट करून ब्रॉडकास्टर्सना खेळाडूच्या प्रयव्हसीचा आदर करत नसल्याबद्दल सुनावलं.

रोहित आणि नायर यांच्या संभाषणात रोहित नायरला सांगत होता की सर्व गोष्टी आता बदलल्या आहेत. आता त्यांच्यावर सर्व काही अवलंबून आहे. हा संघ मी तयार केला होता. हा माझा या संघाकडून शेवटचा हंगाम असेल असं देखील रोहित म्हणत होता. हे सर्व ब्रॉडकास्टर्सने रेकॉर्ड केलं. त्यानंतर केकेआरनं हा व्हिडिओ आपल्या सोशल मीडियावर त्वरित हटवला.

दुसऱ्या एका घटनेत नायरसोबतच्या संभाषणावेळी रोहित शर्मा कॅमेऱ्यासमोर हात जोडताना दिसला. त्याने ब्रॉडकास्टर्सना संभाषण रेकॉर्ड न करण्याची विनंती केली. आधीच्या एका क्लिपमुळे त्याच्या अडचणीत मोठी वाढ झाली होती.

रोहित शर्मा मुंबई केकेआर सामन्यानंतर केकेआरच्या ड्रेसिंग रूममध्ये खेळाडूंसोबत चर्चा करताना दिसला होता. त्यानंतरच रोहित शर्मा पुढच्या हंगामात मुंंबईला राम राम ठोकून केकेआरवासी होणार का अशी चर्चा सुरू झाली होती. त्यातच रोहितने मुंबईचा कोच मार्क बाऊचरला त्यानं भविष्याबाबत अजून काही ठरवलं नाही. आता त्याचा फोकस फक्त टी 20 वर्ल्डकप असल्याचं सांगितलं होतं. यावरून तो मुंबईला सोडचिठ्ठी देणार असल्याच्या चर्चेला बळ मिळालं.

(IPL 2024 Marathi News)