Sai Sudharsan Fastest Indian to complete 1000 runs in IPL history : गुजरात टायटन्सचा सलामीवीर साई सुदर्शनने चेन्नई सुपर किंग्जविरूद्ध धडाकेबाज फलंदाजी केली. त्याने शतक ठोकत कर्णधार शुभमन गिल सोबत 200 धावांची नाबाद द्विशतकी सलामी दिली. दरम्यान, साईने आयपीएलमधील आपल्या 1000 धावा देखील पूर्ण केल्या. त्यानं या 1000 धावा पूर्ण करताना एक मोठा विक्रम केला अन् सचिन तेंडुलकरला मागं टाकलं.
आयपीएल इतिहासात सर्वात वेगवान 1000 धावा करण्याचा विक्रम यापूर्वी सचिन तेंडुलकरच्या नावार होता. त्यानं 31 डावात आयपीएलमध्ये 1000 धावांचा टप्पा पार केला होता. आता साई सुदर्शनने 25 डावात आयपीएलमधील आपल्या 1000 धावा पूर्ण केल्या आहेत. त्याने सचिन तेंडुलकरचा विक्रम मोडला.
आयपीएलमध्ये सर्वात वेगवान 1000 धावा पूर्ण करणारे खेळाडू
साई सुदर्शन - 25 डावात 1000 धावा पूर्ण
सचिन तेंडुलकर - 31 डावात 1000 धावा पूर्ण
ऋतुराज गायकवाड - 31 डावात 1000 धावा पूर्ण
साई सुदर्शन आणि शुभमन गिल या दोघांनी आज शतकी खेळी केली. त्याचबरोबर त्यांनी 210 धावांची द्विशतकी सलामी देखील दिली. ही आयपीएलच्या इतिहासातील सर्वात मोठ्या सलामी भागीदारीच्या विक्रमाची बरोबरी करणारी ठरली.
यापूर्वी 2022 मध्ये क्विंटन डिकॉक आणि केएल राहुल यांनी लखनौ सुपर जायंट्ससाठी 210 धावांची सलामी दिली होती. आता साई सुदर्शन आणि शुभमन गिल यांनी देखील 210 धावा करत या विक्रमाची बरोबरी केली आहे. साई सुदर्शनने 103 धावांची तर शुभमन गिलने 104 धावांची शतकी खेळी केली. या दोघांनाही तुषार देशपांडेने 18 व्या षटकात बाद केलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.