Suresh Raina:आयपीएल 2022 चे विजेतेपद गुजरात टायटन्सने जिंकले, तर चेन्नई सुपर किंग्ज या हंगामात प्लेऑफमध्येही पोहोचू शकले नाहीत. 10 संघांमध्ये चेन्नई 9 व्या स्थानावर होती. चेन्नई सुपर किंग्जने या हंगामात सुरेश रैनाला कायम ठेवले नव्हते. त्यानंतर त्याला मेगा लिलावात पण चेन्नई घेतला नाही. सुरेश रैनाला कोणत्याही संघाने लिलावात बोली लावली नव्हती आणि तो या हंगामात विकला गेला नाही. (Suresh Raina Return To CSK Next Season IPL)

आयपीएल 2022 मध्ये सुरेश रैना कॉमेंट्री करताना दिसला. चेन्नई सुपर किंग्जला 30 मे रोजी रैनाच्या जुन्या खेळी आठवल्या. त्यानंतर सुरेश रैना ज्या प्रकारे ट्विटला उत्तर दिलं, त्यामुळे चाहत्यांना उत्सुकता आहे की तो पुढच्या हंगामासाठी CSK मध्ये परत येत आहे. किंग्ज इलेव्हन पंजाब आणि चेन्नई सुपर किंग्ज यांच्यात आयपीएल 2014 च्या दुसऱ्या क्वालिफायरमध्ये रैनाने 25 चेंडूत 87 धावा केल्या होत्या. रैनाने त्या सामन्यात 12 चौकार आणि सहा षटकार मारले होते. मात्र सीएसकेने तो सामना हारला.

रैनाच्या या खेळीबद्दल सीएसकेने ट्विट केले. ज्यावर रैनाने शेअर इमोजी मधून आपल्या भावना व्यक्त केल्या आहे. त्यामध्ये तो सीएसकेला कॉल करावा असे सूचित करत आहे. या ट्विटनंतर चाहत्यांकडून अंदाज लावला जात आहे की, पुढच्या हंगामासाठी रैना पुन्हा CSK संघात परत येत आहे.