Anushka Sharma-Virat Kohli : आयपीएल-2023 मध्ये रॉयल चॅलेंजर्स बंगळुरूचा माजी कर्णधार विराट कोहलीच्या बॅटवर धावांचा पाऊस पडत आहे. विराट कोहली आणि अनुष्का शर्मा हे पॉवरफुल कपल्सपैकी एक आहे. ही जोडी अनेकदा चर्चेत असते. दोघांचे फोटो आणि व्हिडिओ अनेकदा व्हायरल होतात. चाहत्यांनीही दोघांवर भरभरून प्रेमाचा वर्षाव केला आहे.

दरम्यान विराट कोहलीचा एक व्हिडिओ सोशल मीडियावर व्हायरल होत आहे. या व्हिडिओमध्ये तो पत्नी अनुष्का शर्मासोबत जिममध्ये दिसत आहे. यादरम्यान विराट कोहलीने असे काही केले ज्यामुळे त्याला दुखापतीचा सामना करावा लागला.

अनुष्का शर्माने तिच्या इंस्टाग्राम अकाउंटवरून एक व्हिडिओ शेअर केला आहे. या व्हिडिओमध्ये विराट कोहली आणि अनुष्का शर्मा जिममध्ये डान्स करताना दिसत आहेत. कोहलीने अनुष्कासोबत अशा डान्स मूव्ह्स केल्या त्यावेळी दुखण्यामुळे तो कॅमेरा फ्रेममधून बाहेर पडला. मात्र, विराट कोहलीची ही दुखापत गंभीर नसून तो येत्या सामन्यांमध्ये खेळताना दिसणार आहे.

विराट कोहलीची आयपीएल 2023 मध्ये आतापर्यंतची कामगिरी उत्कृष्ट राहिली आहे. या मोसमात त्याने आतापर्यंत 7 सामन्यात 279 धावा केल्या आहेत. यादरम्यान विराट कोहलीच्या बॅटने 4 अर्धशतके झळकावली आहेत. IPL 2023 मध्ये सर्वाधिक धावा करणाऱ्या फलंदाजांच्या यादीत विराट कोहलीही चौथ्या क्रमांकावर आहे. याशिवाय तो या मोसमात रॉयल चॅलेंजर्स बंगळुरूसाठी सर्वाधिक धावा करणारा दुसरा खेळाडू आहे.

विराट कोहली गेल्या दोन सामन्यांसाठी रॉयल चॅलेंजर्स बंगळुरूचे कर्णधारपदही सांभाळत आहे. या दोन्ही सामन्यात रॉयल चॅलेंजर्स बंगळुरूच्या संघाने बाजी मारली आहे. अलीकडेच इंडियन प्रीमियर लीग 2023 मध्ये बेंगळुरूच्या एम चिन्नास्वामी स्टेडियमवर झालेल्या या सामन्यात रॉयल चॅलेंजर्स बंगळुरूने राजस्थान रॉयल्सचा 7 धावांनी पराभव केला. या विजयासह रॉयल चॅलेंजर्स बंगळुरूचा संघही गुणतालिकेत पाचव्या क्रमांकावर आला आहे.