Virat Kohli Become First Batter To Score 400 Plus Runs In 10 IPL Season SRH vs RCB IPL 2024 : आयपीएलमध्ये आज सनराईजर्स हैदराबाद विरूद्ध रॉयल चॅलेंजर बंगळुरू यांच्यात सामना होत आहे. नाणेफेक जिंकून प्रथम फलंदाजी करणाऱ्या आरसीबीने दमदार सुरूवात केली. विराट कोहली आणि फाफ ड्युप्लेसिसने आक्रमक सुरूवात करून दिली.

विराट कोहलीने आज एक मोठा इतिहास देखील रचला. विराट कोहलीने आयपीएलच्या 17 व्या हंगामातील आपल्या 400 धावा पूर्ण केल्या. याचबरोबर विराट कोहली हा आयपीएलच्या 10 हंगामात 400 पेक्षा जास्त धावा करणारा पहिला फलंदाज ठरला आहे.

सामन्याबद्दल बोलायचं झालं तर प्रथम फलंदाजी करणाऱ्या आरसीबीने 4 षटकातच अर्धशतक धावफलकावर लावलं होतं. मात्र टी नटराजन आणि मार्कंडेयने आरसीबीला दोन धक्के दिले. या धक्क्यातून विराट कोहली आणि रजत पाटीदार यांनी संघाला सावरलं.

या दोघांनी तिसऱ्या विकेटसाठी 65 धावांची भागीदारी रचली. रजत पाटीदारने आक्रमक पवित्रा घेतला तर विराट कोहली अँकर इनिंग खेळली. या दोघांनी आरसीबीला 13 षटकात 130 धावांपर्यंत पोहचवलं. रजत पाटीदारनं 19 चेंडूत अर्धशतक ठोकलं.