Virat Kohli Become First Indian Batter To Complete 12000 Runs In T20 Cricket : आयपीएल 2024 च्या पहिल्याच सामन्यात रॉयल चॅलेंजर बंगळुरूचा स्टार फलंदाज विराट कोहलीने एक मोठा विक्रम आपल्या नावावर केला. तो भारताकडून टी 20 क्रिकेटमध्ये 12000 धावा करणारा पहिलाच फलंदाज ठरला आहेत. तर जागतिक स्तरावरील तो सहावा फलंदाज ठरला.

याचबरोबर आजच्याच सामन्यात विराट कोहलीने अजून एक मोठा माईल स्टोन गाठला. त्याने चेन्नई सुपर किंग्जविरूद्ध 1000 आयपीएल धावा पूर्ण केल्या. यापूर्वी चेन्नईविरूद्ध 1000 पेक्षा जास्त धावा करण्याचा विक्रम हा गब्बर अर्थात शिखर धवनच्या नावावर होता.

सर्वात कमी इनिंगमध्ये 12000 टी 20 धावा पूर्ण करणारे फलंदाज

ख्रिस गेल - 345 डाव

विराट कोहली - 360 डाव

डेव्हिड वॉर्नर - 368 डाव

एलेक्स हेल्स - 432 डाव

शोएब मलिक - 451 डाव
कायरन पोलार्ड - 550 डाव

पुरूष टी 20 क्रिकेटमध्ये सर्वाधिक धावा करणारे फलंदाज

ख्रिस गेल - 14562 धावा

शोएब मलिक - 13360 धावा

कायरन पोलार्ड - 12900 धावा

एलेक्स हेल्स - 12319 धावा

डेव्हिड वॉर्नर - 12065 धावा

विराट कोहली - 12000धावा

चेन्नई सुपर किंग्ज आणि रॉयल चॅलेंजर बंगळुरू यांच्यातील सामन्यात नाणेफेक जिंकून आरसीबीने दमदार सुरूवात केली. पहिल्या चार षटकातच 41 धावा केल्या. मात्र त्यानंतर मुस्तफिजूर रहीमने एका पाठोपाठ एक असे चार धक्के देत आरसीबीची अवस्था 5 बाद 78 धावा अशी केली. दीपक चाहरने देखील एक विकेट घेऊन त्याला चांगली साथ दिली.

मात्र त्यानंतर अनुज रावत आणि दिनेश कार्तिक अर्धशतकी भागीदारी करत संघाला 18 षटकात 5 बाद 148 धावांपर्यंत मजल मारून दिली.