IND vs AUS Jarvo : भारत आणि ऑस्ट्रेलिया हा हाय व्होल्टेज सामना सुरू असतानाच चेन्नईच्या चेपॉक स्टेडियमवर घुसखोरी झाली. ही घुसखोरी कोणी अनोळखी व्यक्ती केली नाही. हा व्यक्ती मैदानात घुसखोरी करण्यासाठीच प्रसिद्ध आहे. जार्वो 69 नावाची जर्सी घालणाऱ्या या व्यक्तीने पुन्हा एकदा मैदानात धाव घेतली.

इंग्लंड क्रिकेटचा हा चाहता टीम इंडियाची जर्सी घालून मैदानात घुसला होता. मात्र त्याला सुरक्षा रक्षकांनी त्वरित मैदानातून बाहेर नेले. यावेळी विराट कोहली आणि केएल राहुलने देखील जार्वोला चांगलाच दम दिला.

क्रिकेटच्या मैदानात इंग्लंडच्या या जर्वो नावाची जर्सी घातलेल्या व्यक्तीने पहिल्यांदाच घुसखोरी केलेली नाही. हा क्रिकेट फॅन भारत 2021 मध्ये इंग्लंड दौऱ्यावर असताना देखील मैदानात सतत घुसखोरी करत होता. त्याने कसोटी सामन्यात सलग तीनवेळा घुसखोरी केली होती. यानंतर इंग्लंड क्रिकेट बोर्डाने त्याच्यावर आजीवर बंदी घातली.

सामन्याबद्दल बोलायचं झालं तर चेपॉकच्या संथ खेळपट्टीवर ऑस्ट्रेलियाने नाणेफेक जिंकून प्रथम फलंदाजी करण्याचा निर्णय घेतला. मात्र भारताने 5 धावावर मिचेल मार्शच्या रूपाने त्यांना पहिला धक्का दिला.

यानंतर डेव्हिड वॉर्नर आणि स्टीव्ह स्मिथ यांनी सावध फलंदाजी करत दुसऱ्या विकेटसाठी 69 धावांची भागीदारी रचली. अखेर ही जोडी कुलदीप यादवने फोडली. त्याने वॉर्नरला 41 धावांवर बाद केले. त्यानंतर स्मिथ आणि मार्नस लाबुशेन यांनी कांगारूंना 25 षटकात शतक पार करून दिले.

(Sports Latest News)