कर्नाटकात सुरू झालेले हिजाब प्रकरण (Karnataka Hijab Row) आता देश पातळीवर नाही तर आंतरराष्ट्रीय पातळीपर्यंत पोहचले आहे. 4 फेब्रुवारीपासून उडपीतील कॉलेजमधील मुस्लिम मुलींनी हिजाब घालण्यावरून वाद पेटलाय. या वादात आता मँचेस्टर युनायडेचा स्टार फुटबॉलपटू पॉल पॉग्बो (Paul Pogba) याने देखील उडी घेतली आहे. त्याने या आंदोलनाबाबतची इन्स्टाग्राम स्टोरी (Instagram Story) ठेवली आहे. (Karnataka Hijab Row Football Player Paul Pogba Instagram Story)

फ्रेंच फुटबॉलर पोग्बाने हिजाब वादावरून भारतात सुरू असलेल्या एका आंदोलनाचा व्हिडिओ आपल्या इन्स्टा स्टोरीवर लावला आहे. त्या व्हिडिओ सोबतच 'भारतात हिंदूत्ववादी एक गट हिजाब घातलेल्या एका मुस्लिम मुलींचा छळ करणे सुरूच आहे.' असा मजकूर देखील लिहिला आहे.

दरम्यान, हिजाब वादावून (Hijab Row) सुरू झालेल्या आंदोलनाच्या पार्श्वभूमीवर कर्नाटकातील डीसीटीईच्या (Department of Collegiate and Technical Education) अंतर्गत येणाऱ्या सर्व विद्यापीठांना 9 फेब्रुवारीपासून तीन दिवस सुट्टी देण्यात आली आहे. याचबरोबर कर्नाटक उच्च न्यायालयाने जोपर्यंत हे प्रकरण निकाली लागत नाही तोपर्यंत विद्यार्थ्यांनी शैक्षणिक संस्थांच्या परिसरात लोकांच्या भावना भडकवणारे कपडे न घालण्याचा सल्ला दिला आहे.