यूएईमध्ये सुरू असलेल्या आशिया चषक स्पर्धेत काल भारताने हाँगकाँगचा 40 धावांनी पराभव करत सुपर 4 मध्ये प्रवेश केला. या सामन्यात हाँगकाँगचा पराभव झालेला असला तरी याच संघातील संघातील खेळाडूनं प्रेम जिंकल असल्याची चर्चा क्रिकेट जगतात रंगली आहे. हाँगकाँगच्या एका खेळाडूने सामना संपताच आपल्या प्रेयसीला फिल्मी स्टाईलने प्रपोज केले.

हाँगकाँगच्या किंचित शाहने त्याच्या प्रेयसीला सामना संपल्यानंतर प्रपोज केलं. विशेष म्हणजे या प्रपोजनंतर त्याच्या प्रेयसीने त्याला होकारदेखील दिला. आजच्या सामन्यात हाँगकाँगचा पराभव झाला.

सामना संपताच किंचित थेट स्टॅड्सकडे जाण्यासाठी वळला, त्यांची गर्लफ्रेंड सामना पाहण्यासाठी तिथे बसली होती. तिच्याजवळ पोहचताच गुडघ्यावर बसला आणि तिला फिल्मी स्टाईल प्रपोज केलं. हे दृश्य पाहून हाँगकाँगची संपूर्ण टीम उत्साहाने टाळ्या वाजवत होती.

दरम्यान आजच्या सामन्यातही किंचित शाहने संघाला विजय मिळवून देण्यासाठी शेवटपर्यंत प्रयत्न केला. सलामीचे फलंदाज स्वास्तात बाद झाल्यानंतर त्याने तिसऱ्या विकेटसाठी फलंदाजीला येत मोठे फटके मारण्याचा प्रयत्न केला. त्याने २८ चेंडूंमध्ये दोन चौकार आणि एक षठकार यांच्या मदतीने ३० धावा केल्या. पुढे हाँगकाँग संघाला २० षटकांत १५२ धावा करता आल्या. तर भारताचा ४० धावांनी विजय झाला.