पुणे : पुणे जिल्हा बुद्धिबळ (पीडीसीसी) संघटना व आर्यन एंटरप्रायझेस आयोजित एलबीएचएम जलद आंतरराष्ट्रीय मानांकन बुद्धिबळ स्पर्धेत पश्चिम बंगालच्या निलाश साहाने साडेआठ गुणांसह विजेतेपद पटकावले.

उंड्री येथील ध्रुव ग्लोबल स्कूलमध्ये झालेल्या या स्पर्धेत नवव्या फेरीत पहिल्या पटावर अरण्यक घोष आणि स्नेहल भोसले ही लढत बरोबरीत सुटली तर दुसऱ्या पटावर निलाश साहाने आदित्य सावळकरला पराभूत केले. निलाश साहा आणि अरण्यक घोषचे प्रत्येकी साडेआठ गुण झाल्याने टायब्रेकमध्ये निलाश सहा विजेता ठरला.

रत्नाकरन के., काशीश जैन, दीप्तयान घोष, अखिलेश नागरे व मंदार लाडने प्रत्येकी आठ गुणासह तीन ते सात क्रमांकात तर अभिषेक केळकर, सुयोग वाघ व ऋत्विज परबने प्रत्येकी साडेसात गुणांसह आठ ते दहा क्रमांकात यश मिळविले.

या स्पर्धेच्या बक्षीस समारंभप्रसंगी महिला ग्रँडमास्टर मृणालिनी कुंटे-औरंगाबादकर, प्रकाश कुंटे, अशोक तेली, स्पर्धेचे समन्वयक राजेंद्र कोंडे, संचालक नागनाथ हलकुडे, वंदना हलकुडे, प्रमुख पंच वसंथ बीएच हे उपस्थित होते.

नवव्या फेरीचे निकाल

स्नेहल भोसले (८ गुण, महाराष्ट्र) बरोबरी विरुद्ध अरण्यक घोष (८.५ गुण, पश्चिम बंगाल), निलाश साहा (८.५, पश्चिम बंगाल) वि.वि. आदित्य सावळकर (७, महाराष्ट्र), ग्यान साई संतोष (७, आंध्र प्रदेश) पराभूत विरुद्ध सप्तर्षीरॉय चौधरी (८, पश्चिम बंगाल), सुयोग वाघ (८, महाराष्ट्र) वि.वि. श्रीहरी के. आर. (७, तमिळनाडू),

कार्तिकेयन पी. (८.५, तमिळनाडू) वि.वि. मयूख मजुमदार (७, पश्चिम बंगाल), अभिषेक केळकर (८, महाराष्ट्र) वि. वि. मन्ना चिरंजित (७, पश्चिम बंगाल), लक्ष्मी चरण नायडू (७, केरळ] पराभूत विरुद्ध अरविंद अय्यर (८, महाराष्ट्र), श्रीजोन साहा (७.५, पश्चिम बंगाल) बरोबरी विरुद्ध प्रथमेश शेरला (७.५, महाराष्ट्र), दीप्तायन घोष (७.५, पश्चिम बंगाल) पुढे चाल विरुद्ध हर्षित रंजन साहू (६.५, महाराष्ट्र), नितीन एस. (७.५, तमिळनाडू) वि.वि. मधेशकुमार एस. (६.५, तमिळनाडू).