Australia Tour Of India T20I Series : टी 20 वर्ल्डकपपूर्वी ऑस्ट्रेलियाचा संघ तीन टी 20 सामन्यांच्या मालिका खेळण्यासाठी भारतात येत आहे. ही मालिका 20 सप्टेंबरपासून सुरू होणार आहे. मात्र मालिकेपूर्वीच ऑस्ट्रेलियाला दुखापतींचा फटका बसला. ऑस्ट्रेलियाचा वेगवान गोलंदाज मिचेल स्टार्क (Mitchell Starc) आणि अष्टपैलू खेळाडू मिचेल मार्श (Mitchell Marsh), मार्कस स्टॉयनिस (Marcus Stoinis) यांनी भारत दौऱ्यातून माघार घेतली. स्टार्कच्या घोट्याला दुखापत झाली आहे. क्रिकेट ऑस्ट्रेलिया डॉट एयूने दिलेल्या माहितीनुसार दुखापत फारशी गंभीर नाही. मात्र वर्ल्डकपच्या तोंडावर संघ व्यवस्थापन कोणताही धोका पत्करू इच्छित नाही.
ऑस्ट्रेलियाच्या भारत दौऱ्यासाठी यापूर्वीच डेव्हिड वॉर्नरला विश्रांती देण्यात आली आहे. आता ऑस्ट्रेलियाच्या निवडसमितीने नॅथन एलिस, डेनियल सॅम्स आणि सेअन अॅबोट यांची स्टार्क, मार्श आणि स्टॉयनिस यांची रिप्लेसमेंट म्हणून निवड केली आहे. मार्श आणि स्टॉयनिस यांना झिम्बाब्वे आणि न्यूझीलंड विरूद्धच्या वनडे मालिकेत दुखापत झाली होती. तर स्टार्कच्या घोट्याचा बुधवारी स्कॅन करण्यात आला त्यानंतर त्याला संघातून वगळण्यात आले.
ऑस्ट्रेलिया भारत दौऱ्यावर तीन टी 20 सामन्यांची मालिका खेळणार आहे. या मालिकेतील पहिला सामना 20 सप्टेंबरला मोहालीत, दुसरा सामना 23 सप्टेंबरला नागपूर तर तिसरा सामना 25 सप्टेंबरला हैदराबाद येथे होणार आहे. भारतातील हा आटोपशीर दौरा झाल्यानंतर टी 20 वर्ल्डकपपूर्वी ऑस्ट्रेलियाचा संघ वेस्ट इंडीज आणि इंग्लंड यांच्यावरूद्ध देखील टी 20 मालिका खेळणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.