T20 World Cup 2022 New Zealand Squad : ऑस्ट्रेलियात होणाऱ्या आगामी टी-20 विश्वचषक 2022 साठी न्यूझीलंडने 15 खेळाडूंचा संघ जाहीर केला आहे. 2021 च्या विश्वचषकाच्या तुलनेत संघात तीन महत्त्वाचे बदल करण्यात आले आहेत. नुकतेच न्यूझीलंडचा केंद्रीय करार नाकारणारे ट्रेंट बोल्ट आणि जिमी नीशम हे देखील या संघाचा भाग असणार आहे. फिन ऍलन हा केंद्रीय करार प्राप्त करणाऱ्या सर्वात नवीन खेळाडूंपैकी एक आहे.

ICC T20 विश्वचषक स्पर्धेत केन विल्यमसन तिसऱ्यांदा न्यूझीलंडचा कर्णधार असणार आहे. न्यूझीलंडच्या गोलंदाजी आक्रमणाबद्दल बोलायचे झाल्यास, बोल्ड, लॉकी फर्ग्युसन, टिम साउथी आणि अॅडम मिल्ने सारखे गोलंदाज असणार आहे. इश सोधी फिरकी आक्रमणाचे नेतृत्व करेल, तर मायकेल ब्रेसवेल आणि मिचेल सँटनर त्याला साथ देतील.

ग्लेन फिलिप्स, डॅरिल मिशेल, मिचेल सँटनर, मायकेल ब्रेसवेल आणि जिमी नीशम हे संघात अष्टपैलू खेळाडूंची भूमिका बजावतील.

न्यूझीलंडचा विश्वचषक संघ - (T20 World Cup Squad New Zealand)

केन विल्यमसन (कर्णधार), टिम साऊदी, इश सोधी, मिचेल सँटनर, ग्लेन फिलिप्स, जिमी नीशम, डॅरिल मिशेल, अॅडम मिल्ने, मार्टिन गप्टिल, लॉकी फर्ग्यूसन, डेव्हॉन कॉनवे, मार्क चॅपमन, मायकेल ब्रेसवेल, ट्रेंट बोल्ट, फिन ऍलन