New Zealand vs Sri Lanka : न्यूझीलंडने अखेरच्या चेंडूवर थरारक विजय मिळवला आणि श्रीलंकेवर २ विकेट राखून मात केली. या विजयासह भारतीय क्रिकेट संघाचा जागतिक कसोटी अजिंक्यपद स्पर्धेतील अंतिम फेरीचा मार्ग मोकळा झाला. कर्णधार केन विल्यमसनची नाबाद १२१ धावांची झुंजार खेळी या रोमहर्षक कसोटी विजयाचे वैशिष्ट्य ठरले. पहिल्या डावात १०२ धावांची आणि दुसऱ्या डावात ८१ धावांची खेळी साकारणारा डरेल मिचेल सामनावीराचा मानकरी ठरला.

न्यूझीलंडने चौथ्या दिवसअखेरीस १ बाद २८ धावा केल्या होत्या. त्यामुळे विजयासाठी त्यांच्यासमोर २५७ धावांचे लक्ष्य होते. श्रीलंकेला ९ विकेट बाद करण्याची गरज होती. याच कारणामुळे न्यूझीलंड श्रीलंका यांच्यामधील पहिल्या कसोटीचा अखेरचा दिवस रोमांचकारी ठरेल अशी चिन्हे निर्माण झाली होती अन् झालेही नेमके तसेच. पावसाच्या व्यत्ययामुळे सोमवारच्या पहिल्या सत्रावर पाणी फेरले गेले.

न्यूझीलंडला उर्वरित खेळामध्ये २५७ धावांचे आव्हान ओलांडायचे होते. प्रभात जयसूयनि टॉप संथम (२४ धावा) व हेन्री निकोल्स (२० धावा) यांना पोलियनमध्ये पाठवले, पण न केन विल्यमसन व मा जोडीने १४२ धावांची भागीदारी करीत न्यूझीलंडच्या विजयाच्या आशा कायम ठेवल्या. न्यूझीलंड विजयाकडे कूच करतोय असे वाटत असतानाच असिथा फर्नांडो याने मिचेल (८१ धावा), टॉम ब्लंडेल (३ धावा) व मायकेल ब्रेसवेल (१० धावा) यांना बाद करीत करी रंगत निर्माण केली.

अखेरच्या षटकातील खेळ

• असिथा फर्नांडो गोलंदाज

• पहिला चेंडू - केन विल्यमसनची एक धाव

• दुसरा चेंडू - मॅट हेन्रीची एक धाव

• तिसरा चेंडू - केन विल्यमसनची एक धाव, मॅट हेन्री धावचीत

• चौथा चेंडू केन विल्यमसनकडून चौकार

• पाचवा चेंडू निर्धाव

• सहावा चेंडू - केन विल्यमसनकडून एक धाव (बायद्वारे)

संक्षिप्त धावफलक : श्रीलंका- पहिला डाव सर्व बाद ३५५ धावा आणि दुसरा डाव सर्व बाद ३०२ धावा पराभूत वि. न्यूझीलंड पहिला डाव सर्व बाद ३७३ धावा आणि दुसरा डाव ८ बाद २८५ धावा (केन विल्यमसन नाबाद १२१- १९४ चेंडू, ११ चौकार, १ पटकार, डरेल मिचेल ८१, असिथा फर्नांडो ३/६३).