Pakistan vs Australia, 2nd Test : ऑस्ट्रेलियन संघ सध्या पाकिस्तान दौऱ्यावर आहे. रावलपिंडीच्या मैदानावर झालेला पहिला सामना अनिर्णित ठरला होता. रावळपिंडीची खेळपट्टी खराब असल्या कारणाने ऑस्ट्रेलिया-पाक खेळाडूशिवाय खेळपट्टीचीच अधिक चर्चा झाली. दोन्ही संघांनी या सामन्यात मोठी धावसंख्या उभारली होती. पाकिस्तान संघाच्या (Pakistan Cricket Team) फलंदाजानाही चांगली फलंदाजी केली होती. हा सामना अनिर्णित राहिला.

त्यानंतर दुसरा सामना कराचीच्या मैदानात सुरू आहे. सामन्याच्या पाचव्या आणि अखेरच्या दिवशी ऑस्ट्रेलियन कॅप्टन पॅट कमिन्सच्या (Pat Cummins) एका कृतीने सर्वांचे लक्ष वेधून घेतले. ऑस्टेलिया संघाने पहिला डाव 9 बाद 556 धावांवर घोषित केला होता. पाकिस्तानचा संघ धावांचा पाठलाग करताना सर्व बाद 148 धावा करू शकला होता.

सामन्याच्या तिसऱ्या दिवशी ऑस्ट्रेलिया संघाने 2 बाद 97 धावांवर डाव घोषित केला होता. पाकिस्तान संघाच्या दुसऱ्या डावाची सुरूवात चांगली केली होती. ऑस्ट्रेलिया संघाच्या गोलंदाजांना विकेट मिळत नसल्याने ऑस्ट्रेलिया संघाचा कर्णधार पॅट कमिन्सने हातोडा घेऊन स्पीच ठोकण्यास सुरूवात केल्याचा व्हिडिओ पाकिस्तान संघाच्या ट्विटर अकाउंट वरून शेअर केला होता. हा व्हिडिओ सोशल मिडियावर चांगलाच व्हायरल होत आहे.

ऑस्ट्रेलिया संघाच्या खेळाडूंना गोलंदाजी करताना खराब स्पीचमुळे अडथळा निर्माण होत असल्याने कर्णधार पॅट कमिंन्सने खेळपट्टीवर हातोडा मारल्याचे पाहायला मिळाले. हा प्रकार पाहून पाकिस्तान संघाचा कर्णधार बाबर आझमने पंचांकडे याबद्दल नाराजीही व्यक्त केली. बाबर आझमने या सामन्यात दीडशतकी खेळी खेळली आहे. बाबर अजून खेळपट्टीवर खेळत आहे. पाकिस्तानाचा संघ हा सामना जिंकण्याची चिन्हे दिसत आहेत.