पाकिस्तानचा दिग्गज गोलंदाज आणि 'स्विंगचा सुल्तान' वासिम आक्रम (Wasim Akram) यांचा पाकिस्तान क्रिकेट बोर्डाने विशेष सन्मान केला. पीसीबीने (PCB) त्यांना हॉल ऑफ फेम (PCB Hall of Fame) च्या यादीत स्थान दिले. वेस्ट इंडीजचा दिग्गज विवियन रिचर्ड्स यांच्या हस्ते त्याचा सन्मान करण्यात आला. आक्रम पाकिस्तानचा आठवा असा खेळाडू आहे ज्याला पीसीबी हॉल ऑफ फेमच्या यादीत स्थान मिळाले आहे.

याआधी अब्दुल कादिर, फजल महमूद, हनीफ मोहम्मद, इमरान खान, जावेद मियांदाद, वकार युनिस आणि झहीर अब्बास यांना या पुरस्काराने सन्मानित करण्यात आले होते. आक्रम यांनी पाकिस्तान बोर्डाचे आभार मानले आहेत. त्यानंतर आयसीसीने त्यांचा एक खास व्हिडिओ शेअर केलाय.

आयसीसीने जो व्हिडिओ शेअर केलाय त्यात वासिम आक्रम यांटा सुरुवातीच्या काळाती भेदक मारा पाहायला मिळत आहे. हवेत नाचणाऱ्या चेंडूवर आक्रमक प्रतिस्पर्धी संघातील खेळाडूंना नाचवताना दिसते. एका मागून एक विकेट घेत प्रतिस्पर्ध्याची हवा ताईट करण्याचा सिलसिलाच त्यांनी लावल्याचे दिसते.

पाकिस्तानचा माजी डावखुरा जलदगती गोलंदाजाने एककाळ गाजवला आहे. त्यांची स्विंग होणारा चेंडू भल्या भल्या फलंदाजांना गुडघे टेकायला भाग पाडायचा. आपल्या कारकिर्दीत आक्रम यांनी 104 कसोटी सामन्यात 414 विकेट घेतल्या आहेत. वनडेत 356 सामन्यात त्यांच्या खात्यात 502 विकेट्सची नोंद आहे. वनडेमध्ये पाचशे बळी मिळवण्याचा टप्पा पार करणारे वासिम आक्रम हे पहिले गोलंदाज आहेत. नव्वदीच्या दशकात आक्रम नावाचा दबदबाच पाहायला मिळाला होता. पाकिस्तानकडून भेदक मारा करणाऱ्या वासिम आक्रम यांच्या फलंदाजीचीही क्षमता होती. कसोटीत त्यांच्या नावे एका द्विशतकाचीही नोंद आहे.