Sunil Chhetri 1st Goal IND vs PAK : भारत आणि पाकिस्तान यांच्यातील SAFF Championship मधील सामन्यात सुनिल छेत्रीने 10 व्या मिनिटालाच गोल करत भारताचे खाते उघडले. मात्र हा गोल करण्यात छेत्रीला फार काही कष्ट करावे लागले नाहीत. त्याला पाकिस्तानच्या गोलकिपरने गचाळपणा करत गोल करण्याची ऐती संधी दिली.
सामन्याच्या 10 व्या मिनिटाला पाकिस्तानच्या डिफेंडरने बॉल गोलकिपरकडे पाठवला. यावेळी गोलकिपरने चेंडू आडवलेला पाहून सुनिल छेत्री त्याच्या दिशेने जोरात धावून गेला. त्यामुळे गोंधळलेल्या पाकिस्तानच्या गोलकिपरने बॉलवरील ताबा गमावला अन् चेंडू सुनिल छेत्रीला गोल करण्यासाठी रान मोकळं झालं. छेत्रीने बॉल गोलपोस्टमध्ये अलगद पोहचवत भारताचे गोलचे खाते उघडले.
पहिल्या गोलनंतर भारताने बॉल पाकिस्तानच्या गोलपोस्टजवळच ठेवला. भारतीय स्ट्रायकर्सनी सातत्याने पाकिस्तानच्या गोलपोस्टवर चढाया केल्या. सुनिल छेत्रीला 16 व्या मिनिटाला पेनाल्टी मारण्याची संधी मिळाली. ही संधी छेत्रीने वाया न घालवता भारतासाठी दुसरा गोल केला. अवघ्या 15 मिनिटात दोन गोल खाल्यानंतर पाकिस्तान बॅकफूटवर गेले.
भारतीय संघाने बॉलवरचा आपला ताबा कायम ठेवला. भारताने पहिल्या हाफमध्ये पाकिस्तानच्या गोलपोस्टवर 12 वेळा चढाया केल्या. यातील 4 शॉट्स ऑन टार्गेट होते. तर 74 टक्के बॉल भारताच्या ताब्यात होता. भारताने तब्बल 237 पासेस दिले. यात 87 टक्के अचुकता होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.