Prithvi Shaw Ranji Trophy : मुंबईचा सलामीवीर फलंदाज पृथ्वी शॉने रणजी ट्रॉफी सामन्यात त्रिशतक झळकावून नवीन वर्षाची धमाकेदार सुरुवात केली आहे. ९ फेब्रुवारीपासून सुरू होणाऱ्या भारत विरुद्ध ऑस्ट्रेलिया मालिकेपूर्वी पृथ्वीचे हे त्रिशतक त्याच्यासाठी पुन्हा एकदा टीम इंडियाचे दरवाजे उघडू शकते.

मुंबईच्या या धडाकेबाज सलामीवीराने आसामविरुद्ध 383 चेंडूत 379 धावांची खेळी केली. पृथ्वीने 49 चौकार आणि 6 षटकारांच्या मॅरेथॉन खेळीत अनेक विक्रम केले. प्रथम श्रेणी क्रिकेटमधील पृथ्वीची ही आतापर्यंतची सर्वोत्तम कामगिरी आहे. याआधी पृथ्वीची प्रथम श्रेणीतील सर्वोच्च धावसंख्या 202 धावा होती.

पृथ्वी शॉ ज्या पद्धतीने फलंदाजी करत होता, त्यावरून असे वाटत होते की 400 धावा सहज पार करल, पण फिरकीपटू रियान परागने त्याला एलबीडब्ल्यू आऊट केले. आता पृथ्वी मुंबईच्या रणजी संघाच्या इतिहासात सर्वाधिक धावा करणारा खेळाडू बनला आहे.

आज सामन्याच्या दुसऱ्या दिवशी त्याने कालच्या 240 धावांच्या स्कोअरसह आपला डाव पुढे नेला आणि दृष्टीक्षेपात त्रिशतक ठोकले. गुवाहाटी येथे सुरू असलेल्या ग्रुप-बी सामन्यात त्याच्यासोबत 73 धावा करणारा कर्णधार अजिंक्य रहाणेने शतक झळकावले आहे. दोघांमध्ये तिसऱ्या विकेटसाठी 401 धावांची ऐतिहासिक भागीदारी झाली.