Rohit Sharma Trolled Independence Day : टीम इंडियाचा कर्णधार रोहित शर्मा सध्या ब्रेकवर आहे. 27 ऑगस्टपासून सुरू होणाऱ्या आशिया कपमध्ये परतणार आहे. जिथे रोहित शर्मा भारतीय संघाचे नेतृत्व करेल. मात्र यावेळी रोहित शर्मा त्याच्या एका पोस्टमुळे चर्चेत असून सोशल मीडियावर तो ट्रोल होत आहे. 15 ऑगस्टला रोहित शर्माने चाहत्यांना स्वातंत्र्य दिनाच्या शुभेच्छा दिल्या. हातात तिरंगा घेऊन त्याने एक फोटो पोस्ट केला त्यामध्ये चाहत्यांना चूक आढळून आली. सोशल मीडियावर फोटो झूम करताना रोहित शर्माला प्रचंड ट्रोल करत आहे.

रोहित शर्माच्या फोटोचा उल्लेख करताना चाहत्यांनी लिहिले की हॅप्पी फोटोशॉप कॅप्टन. काही लोकांनी लिहिले की या व्यक्तीकडे लाखो रुपये आहेत, पण तो ध्वज खरेदी करू शकला नाही आणि त्याला फोटोशॉप करावे लागले. केवळ कर्णधार रोहित शर्माच नाही तर विराट कोहली, ऋषभ पंत, हार्दिक पंड्या, केएल राहुलसह टीम इंडियाच्या इतर स्टार खेळाडूंनीही सोशल मीडियावर एक फोटो पोस्ट करून चाहत्यांना स्वातंत्र्य दिनाच्या शुभेच्छा दिल्या.

भारतीय संघ सध्या झिम्बाब्वेच्या दौऱ्यावर असून 18 ऑगस्टपासून केएल राहुलच्या नेतृत्वाखाली तीन सामन्यांची वनडे मालिका खेळणार आहे. मात्र, रोहित शर्मा, विराट कोहली यांच्यासह अनेक वरिष्ठ खेळाडू या मालिकेचा भाग नसून ते थेट आशिया चषक स्पर्धेत परतणार आहेत. आशिया चषक यूएईमध्ये खेळवला जात असून तो टी-20 फॉरमॅटमध्ये खेळला जाईल. 27 ऑगस्टपासून ही स्पर्धा सुरू होणार आहे, मात्र टीम इंडियाचा प्रवास 28 ऑगस्टपासून सुरू होणार आहे. भारताचा पहिला सामना कट्टर प्रतिस्पर्धी पाकिस्तानशी होणार आहे.

आशिया कपसाठी भारतीय संघ : रोहित शर्मा (कर्णधार), केएल राहुल (उपकर्णधार), विराट कोहली, सूर्यकुमार यादव, ऋषभ पंत (विकेटकीपर), दीपक हुड्डा, दिनेश कार्तिक (विकेटकीपर), हार्दिक पंड्या, रवींद्र जडेजा, आर. अश्विन, युझवेंद्र चहल, रवी बिश्नोई, भुवनेश्वर कुमार, अर्शदीप सिंग, आवेश खान.