Australia Open Sania Mirza : भारताची स्टार टेनिसपटू आपला शेवटची ग्रँडस्लॅम स्पर्धा खेळत आहे. तिने ग्रँडस्लॅमची सुरूवात ऑस्ट्रेलियान ओपन पासून केली होती. आता शेवटही ऑस्ट्रेलियन ओपनने करणार आहे. दरम्यान, आज सानिया मिर्झा आणि रोहन बोपन्ना या मिश्र दुहेरीतील भारतीय जोडीने अंतिम फेरीत धडक मारली. त्यामुळे सानिया मिर्झाच्या ग्रँडस्लॅमचा प्रवास विजेतेपदाने संपण्याची आशा वाढली आहे.
सानिया आणि रोहन या जोडीने डेझरे क्रॉचेक आणि नेअल स्कप्स्की या जोडीचा 7-6(5), 6-5(5), 10-6 असा पराभव केला. 36 वर्षाच्या सानिया मिर्झा आणि 42 वर्षाच्या रोहन बोपन्ना यांनी तब्बल 1 तास 52 मिनिटे कडवी झुंज देत विजय खेचून आणला. दोन्ही जोड्यांनी प्रत्येकी एक एक सेट जिंकल्यामुळे सामना सुपर टाय ब्रेकरवर गेला. त्यात सानिया आणि रोहनने आपला अनुभव पणाला लावला आणि अंतिम फेरी गाठली.
सानियाने सामना झाल्यानंतर भावनिक होत प्रतिक्रिया दिली. ती म्हणाली की, 'ही खूप जबरदस्त मॅच झाली. खूप उत्कंठावर्धक सामना होता. ही माझी शेवटची ग्रँडस्लॅम स्पर्धा आणि ती स्पर्धा रोहन बोपन्नाबरोबर खेळणे खूप खास आहे. मी ज्यावेळी 14 वर्षाची होते त्यावेळी रोहन बोपन्ना हा माझा पहिला मिश्र दुहेरीचा जोडीदार होता. आज मी 36 वर्षांची आहे आणि रोहन 42 वर्षांचा आहे आणि आम्ही दोघे अजून खेळतोय. आमचं नातं सॉलिड आहे.'
सानिया मिर्झा इंग्लंड आणि अमेरिकेच्या प्रतिस्पर्धी खेळाडूंबद्दल म्हणाली की, 'आम्ही या कोर्टवर उतरण्यात उत्सुक आहोत. आमच्यासाठी ही शेवटची संधी असले. आम्ही या स्पर्धेतील सर्वोत्तम मिश्र दुहेरी जोडीविरूद्ध खेलणार आहोत. आम्ही आमचा सर्वोत्तम खेळ करण्याचा प्रयत्न करू.' सानिया मिर्झाने आपले पहिले ग्रँडस्लॅम ऑस्ट्रेलियन ओपन 2009 मध्ये जिंकले होते. त्यावेळी तिचा मिश्र दुहेरीचा जोडीदार हा महेश भुपती होता.
हेही वाचा : 'नाटू नाटू..'ला मिळाला पुरस्कार..पण पुढे काय?
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.