Sania Mirza and Shoaib Malik : भारतीय टेनिसस्टार सानिया मिर्झा आणि पाकिस्तानी क्रिकेटर शोएब मलिक यांच्या नात्यात आलेल्या कटूताने त्यांचं नातं तुटण्याच्या वाटेवर आहे. पाकीस्तानी मीडिया रिपोर्ट्सच्या माध्यामातून ही गोष्ट समोर आली असून याविषयी वेगवेगळ्या चर्चा रंगत आहेत.

टेनिस आणि क्रिकेटची १० वर्षांपूर्वी कशी जमली जोडी जाणून घेऊया.

एका पाकिस्तानी शोमध्ये इंटरव्ह्यूमध्ये शोएब आणि सानियाने काही गोष्टी शेअर केल्या होत्या. शोएबने सांगितलं की, ते दोघे २००३मध्ये पहिल्यांदा भेटले होते. तेव्हा सानियाने त्याला बिलकूल भाव दिला नव्हता. पण यावर सानिया म्हणाली क्रिकेटर्सची प्रतिमा कशी आहे तुम्हाला माहित आहे. अशात मी सांभाळून राहत होते.

त्यांच्यात पुन्हा बोलणं २००९ मध्ये सुरू झालं. त्यावेळी ऑस्ट्रेलियाच्या होबार्टमध्ये ते एकमेकांना भेटले. संवाद सुरू झाला आणि लग्नापर्यंत पोहचला.

शोएब आणि सानियाचं लग्न १२ एप्रिल २०१० मध्ये पारमपरिक पध्दतीने हैद्राबादमध्ये झालं होतं. त्यानंतर ८ वर्षांनी २०१८ मध्ये त्यांचा मुलगा इजहान मिर्झा मलिकचा जन्म झाला. इजहान आता ४ वर्षांचा आहे.

एकमेकांच्या कल्चरमुळे काही अडचणींविषयी सानिया म्हणाली होती की, सुरुवातीला त्रास झाला कारण मी हैद्राबादी आणि शोएब पंजाबी वातावरणात वाढलेला आहे.

जेव्हा पण भारत-पाक मॅच असते तेव्हा सानिया-शोएब कोणाला सपोर्ट करणार हा प्रश्न असतोच. यावर सानिया म्हणते की, लोकांना वाटतं की, पाकिस्तान जिंकल्यावर मी शोएबला बाहेर सोफ्यावर झोपायला सांगावं.

सध्यस्थितीवर बोलायचं झालं तर पाकिस्तानी मीडिया रिपोर्टनुसार शोएबने आपल्या एका टी. व्ही शो मध्ये सानियाला कथितरित्या फसवलं आहे. पण यावर अजून दोघांकडून काहीही प्रतिक्रीया आलेली नाही.