Poonawalla Fincorp presents schoolympics 2023 season 6 : सकाळ स्कूलिंपिक्स टेनिस स्पर्धेत बारा ते चौदा वर्षेवयोगटात मुलांमध्ये प्रज्ञेश शेळके, अंशुल पुजारी, नीरज जोर्वेकर, आरुष पोतदारने आपापल्या प्रतिस्पर्ध्यांना हरवून आगेकूच कायम ठेवली आहे.

डेक्कन जिमखाना क्लबच्या टेनिस कोर्टवर सुरू असलेल्या या स्पर्धेत बारा ते चौदा वयोगटात उपांत्यपूर्व फेरीत मिलेनियम स्कूलच्या अव्वल मानांकित प्रज्ञेश शेळकेने आपल्या लौकिकाला साजेशी खेळी करत ग्रीनवुड स्कूलच्या पुरंजय कुतवळवर ५-० असा, पीआयसीटी स्कूलच्या आठव्या मानांकित अंशुल पुजारीने मिलेनियम स्कूलच्या नमन बागलकोटचा ५-१ असा, दुसऱ्या मानांकित ब्लू रीजच्या नीरज जोर्वेकरने विखे पाटील स्कूलच्या दहाव्या मानांकित नील देसाईचा ५-२ असा तर चौथ्या मानांकित मिलेनियम स्कूलच्या आरूष पोतदारने प्रतिभा स्कूलच्या चौदाव्या मानांकित ओम कलशेट्टीचा ५-२ असा पराभव केला.

निकाल :

बारा ते चौदा वयोगट मुले : उप-उपांत्यपूर्व फेरी : प्रज्ञेश शेळके (मिलेनियम स्कूल) वि.वि. सोहम यादव (सीएम इंटरनॅशनल) ५-०; पुरंजय कुतवळ (ग्रीनवुड स्कूल) वि.वि. पार्थ दाभिकर (अभिनव विद्यालय) ५-४ (७); नमन बागलकोट (मिलेनियम) वि.वि. दिविक भारद्वाज (विद्या व्हॅली) ५-०; अंशुल पुजारी (पीआयसीटी स्कूल) वि.वि. यश सकट (सणस विद्यालय) ५-०; आरूष पोतदार (मिलेनियम) वि.वि. अयान भाटिया (कल्याणी स्कूल) ५-१; ओम कलशेट्टी (प्रतिभा स्कूल) वि.वि. अहान पाटील (सेंट अरनॉल्ड) ५-०; नील देसाई (विखे पाटील) वि.वि. दर्श भुरुक (सेवासदन) ५-३.