Shane Warne Girlfriend : ऑस्ट्रेलियाचा माजी फिरकीपटू शेन वॉर्नचे या वर्षाच्या सुरुवातीला निधन झाले. वॉर्नने थायलंडमध्ये अखेरचा श्वास घेतला आणि त्याच्या मृत्यूची बातमी कळताच संपूर्ण क्रिकेट विश्वात शोककळा पसरली. वॉर्न आपल्यासोबत नाही पण आजही या गोष्टीवर विश्वास ठेवणे कठीण आहे. वॉर्नच्या मृत्यूनंतर काही महिन्यांनी क्रिकेट जगताला सुन्न करणारा एक खुलासा झाला आहे.

'जगाची हॉटेस्ट दादी' म्हणवणारी ऑस्ट्रेलियन सेलिब्रिटी जीना स्टीवर्टने दिग्गज क्रिकेटर शेन वॉर्नसोबत गुप्त संबंध असल्याचा खळबळजनक खुलासा केला आहे. स्टीवर्टने असेही म्हटले आहे की, वॉर्नच्या मृत्यूपूर्वी दोघे एकमेकांना डेट करत होते आणि दोघेही नियमित संपर्कात होते.

स्टीवर्टने डेली स्टारशी केलेल्या संभाषणात खुलासा केला की, गेल्या काही महिन्यांपासून मी उद्ध्वस्त झालो आहे. जगाने एक स्टार गमावला आहे आणि मी एक मित्र आणि विश्वासू गमावला आहे. आम्ही डेटिंग करत होतो पण कोणालाही माहित नव्हते कारण वॉर्नची इच्छा होती. मी त्याला क्रिकेटच्या सामन्यानंतर भेटायचे आणि संपूर्ण रात्र एकमेकांना जाणून घेण्यात आणि गप्पा मारण्यात घालवली. त्यानंतर आम्ही मी खूप जवळ आलो. त्यावेळी मी मीडियाशी सावधगिरीने वागायची कारण मी जिथे राहत होतो तिथे माझे फोटो काढण्याचा खूप प्रयत्न केला जात होते. बाहेर जाण्यासाठी शेन आणि मी फक्त टोपी आणि चष्मा घालायचो. शेन मीडियाने खूप प्रभावित झाला होता आणि त्याला या गोष्टी बाहेर पडू द्यायची नव्हती म्हणून मला सर्वकाही गुप्त ठेवावे लागले.

स्टीवर्टच्या या खुलाशानंतर वॉर्नच्या चाहत्यांना आश्चर्य वाटले नाही. कारण त्याच्या चाहत्यांना माहीत होते त्याच्या आयुष्यात अनेक महिलांशी संबंध होते, त्यामुळे या खुलाशाचा त्याच्या चाहत्यांवर फारसा परिणाम झाला नाही.