Shikhar Dhawan Divorce Ayesha Mukherjee : भारताचा सलामीवीर शिखर धवन गेल्या काही वर्षांपासून पत्नी आयेशा मुखर्जीपासून वेगळा राहत आहे. दोघांच्या वेगळ्या होण्याच्या बातम्या गेल्या 2 वर्षांपासून चर्चेत होत्या, मात्र अद्याप दोघांनीही यावर कोणतेही वक्तव्य केले नव्हते. आता बऱ्याच काळानंतर शिखर धवनने घटस्फोटावर मौन सोडले आहे. त्यांचं नातं तुटण्यामागचं कारणही त्यांनी सांगितलं. एका न्यूज चॅनलला दिलेल्या मुलाखतीत धवनने त्याच्या वैयक्तिक आयुष्याविषयी सांगितले.

भारतीय स्टारने कबूल केले की, तो त्याच्या संसारात अयशस्वी झाला, परंतु कोणाकडे बोट दाखवू इच्छित नाही कारण त्याने घेतलेला निर्णय स्वतःचा होता. लग्नातील अपयशामागचे कारण सांगताना त्याने नाते चालवण्याचा अनुभव नसल्याचे सांगितले.

धवन म्हणाला, तो आज क्रिकेटबद्दल जे बोलतो ते 20 वर्षांपूर्वी करू शकलो नसतो. हे सर्व अनुभवातून येते. जेव्हा मी 26-27 वर्षांचा होता तेव्हा सतत खेळत होता आणि त्यावेळीस कोणत्याही रिलेशनशिपमध्ये नव्हतो. फक्त मौजमजा करायचा, पण प्रेमात पडल्यावर मला मुलगी समजली नाही. आज जर मी प्रेमात असेल तर समजू शकलो असतो.

धवनने पुनर्विवाहाबाबतही चर्चा केली. तो म्हणतो की, आता गोष्टी समजल्या आहेत. जर मी दुसरे लग्न केले तर पहिल्याची चूक करणार नाही. आता मला माहित आहे की कोणत्या प्रकारची मुलगी हवी आहे. मला आता एका मुलीची गरज आहे जिच्यासोबत मी आयुष्य घालवू शकेल. धवन आणि आयशाबद्दल बोलायचे झाले तर 2012 मध्ये त्यांचे लग्न झाले. आयशा आधीच घटस्फोटित होती.