Sri Lanka Crisis: भारताचा शेजारी देश श्रीलंकेतील परिस्थिती अत्यंत गंभीर बनली आहे. श्रीलंकेतील परिस्थिती सातत्याने बिघडत आहे. माजी क्रिकेटपटू सनथ जयसूर्या लोकांच्या पाठीशी उभा आहे. त्याने संकटकाळात भारताने मदतीचा हात पुढे केल्याबद्दल भारताचे आभार मानले आहेत. (sri lanka in crisis cricketer sanath jayasuriya thanks india to help)

सनथ जयसूर्या यांनी एएनआयला सांगितले की, मला वाटते की सर्व देश श्रीलंकेत काय घडत आहे याकडे बारकाईने लक्ष ठेवून आहेत. श्रीलंकेत एकदा स्थिर सरकार स्थापन झाल्यानंतर, भारत आणि आमचे सर्व मित्र देश आम्हाला नक्कीच मदत करतील. या संकटाच्या सुरुवातीपासूनच भारत आम्हाला मदत करत आहे. त्याबद्दल आम्ही त्यांचे आभार मानतो. श्रीलंकेच्या संकटात भारत महत्त्वाची भूमिका बजावत आहे. सनथ जयसूर्या भारताचे आभार मानून लंकेचा राष्ट्रपती होण्याच्या तयारी करत आहे. इतरांच्या तुलनेत या आंदोलनात सूर्या जास्तच ॲक्टिव दिसत आहे त्यामुळे अशा चर्चांना जोर आला आहे.

याआधी भारताच्या परराष्ट्र व्यवहार मंत्रालयाने सांगितले होते की, श्रीलंकेवर काय चालले आहे याची त्यांना जाणीव आहे. संकटकाळात भारत श्रीलंकेला शक्य ती सर्व मदत करेल. या कठीण परिस्थितीवर मात करण्यासाठी आम्ही श्रीलंकेच्या लोकांसोबत उभे आहोत. आर्थिक संकटाचा सामना करत असलेल्या श्रीलंकेला भारताने US$ 3.8 बिलियनची तात्काळ मदत केली. एवढेच नाही तर भारत श्रीलंकेला प्रथम शेजारी या धोरणांतर्गत भविष्यातही मदत करत राहील.

सनथ जयसूर्याचे यापूर्वी काही फोटो समोर आले होते, ज्यामध्ये तो कोलंबोतील राष्ट्रपती कार्यालयाबाहेर निदर्शने करत राष्ट्रपती राजपक्षे यांच्या राजीनाम्याची मागणी करत लोकांमध्ये उभे होते. जयसूर्या हा गेल्या अनेक दिवसांपासून राष्ट्रपती राजपक्षे यांच्याकडे आपल्या पदावरून पायउतार व्हावेत अशी मागणी करत आहेत. याबाबत त्यांनी अनेक ट्विटही केले आहेत.