Suryakumar Yadav India Test Squad : बीसीसीआयने आज (दि.13) न्यूझीलंड विरूद्धच्या वनडे आणि टी 20 संघाची घोषणा केली. याचबरोबर निवडसमितीने ऑस्ट्रेलियासोबत होणाऱ्या पहिल्या दोन कसोटी सामन्यांसाठी देखील भारतीय संघाची घोषणा केली. विशेष म्हणजे भारताचा 360 डिग्री खेळाडू सूर्यकुमार यादवचा कसोटी संघात समावेश करण्यात आला आहे. सूर्याचे कसोटी खेळाडू होण्याचे स्वप्न आता पुर्णत्वास येत आहे.
सूर्यकुमार यादवने टी 20 क्रिकेटमध्ये आपला डंका वाजवल्यानंतर त्याला वनडे संघात देखील शाश्वत स्थान मिळेल अशी अपेक्षा होती. मात्र श्रीलंकेविरूद्धच्या वनडे मालिकेत त्याला प्लेईंग 11 मध्ये खेळण्याची संधी मिळाली नाही. यामुळे निवडसमितीच्या मनात चाललयं तरी काय असा प्रश्न निर्माण झाला होता. मात्र भारतीय टी 20 संघाचा उपकर्णधार झालल्या सूर्याला निवडसमितीने कसोटी संघात स्थान देत सूर्या भारतीय संघातील एक महत्वाचा तीनही फॉरमॅट खेळू शकणारा खेळाडू असल्याचे संकेत दिले.
बीसीसीआयने ऑस्ट्रेलियाविरूद्धच्या दोन कसोटी सामन्यासाठी संघ घोषित करताना संघात फिरकी अष्टपैलू म्हणून रविंद्र जडेजा सोबतच अक्षर पटेलची वर्णी लावली आहे. याचबरोबर संघाची घोषणा करताना रविंद्र जडेजासाठी एक नोटही ठेवली.
'रविंद्र जडेजाची निवड ही त्याच्या फिटनेसची स्थिती पाहून केली जाईल.' बीसीसीआयच्या या नोटवरून जडेजा अजून फिट नसल्याचे संकेत मिळत आहेत. जडेजाने आजच आपल्या ट्विटर अकाऊंटवरून एक क्रिप्टिक ट्विट केले होते. त्यात तो 'काही बोलू नका फक्त हसा' असे म्हणाला.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.