Suryakumar Yadav : भारताचा स्फोटक 360 डिग्री प्लेयर सूर्यकुमार यादवने टी-20 क्रमवारीत पहिल्या स्थानावर कायम आहे. टी-20 विश्वचषकात 239 धावा करणाऱ्या सूर्यकुमारने न्यूझीलंडविरुद्धच्या मालिकेत सर्वाधिक 124 धावा केल्या आणि फक्त एकदाच तो बाद झाला. दुसऱ्या सामन्यात त्याने नाबाद 111 धावा केल्या. त्याच्या शानदार कामगिरीच्या जोरावर टीम इंडियाने टी-20 मालिकेवर कब्जा केला.

टीम इंडियाचा आता उद्यापासून म्हणजेच 25 नोव्हेंबरपासून किवी संघाविरुद्ध 3 सामन्यांची वनडे मालिका सुरू होणार आहे. या वर्षी आंतरराष्ट्रीय क्रिकेटमध्ये त्याच्यापेक्षा जास्त धावा इतर कोणत्याही भारतीय खेळाडूने केल्या नाहीत, परंतु त्यानंतरही तो निवडकर्त्यांचा विश्वास जिंकू शकला नाही. न्यूझीलंडनंतर भारताला पुढील महिन्यात बांगलादेशकडून 3 सामन्यांची एकदिवसीय मालिका खेळायची आहे. या मालिकेत त्याला संधी देण्यात आलेली नाही.

सूर्यकुमार यादवने भारताकडून आतापर्यंत 13 एकदिवसीय सामने खेळले आहेत. 12 डावात 34 च्या सरासरीने 340 धावा केल्या ज्यात 99 च्या स्ट्राइक रेट 2 अर्धशतके आहे. म्हणजेच टी-20 च्या तुलनेत त्याची वनडेतील कामगिरी काही खास नाही. सूर्याने 40 टी-20 आंतरराष्ट्रीय डावात 44 च्या सरासरीने 1408 धावा केल्या आहेत. त्याने 2 शतके आणि 12 अर्धशतके केली आहेत. स्ट्राइक रेट 181 आहे. पुढील वर्षी एकदिवसीय विश्वचषक भारतात होणार आहे. अशा स्थितीत संघ व्यवस्थापनाला मधल्या फळीत जास्तीत जास्त खेळाडू आजमावायचे आहेत. त्यामुळे सूर्यकुमार यादवला विश्रांती दिली आहे.

विराट कोहली क्रमांक-3 वर एकदिवसीय विश्वचषक स्पर्धेत खेळणार याची खात्री आहे. रोहित शर्मा आणि शिखर धवन सलामीला येऊ शकतात. अशा स्थितीत मधल्या फळीतील श्रेयस अय्यर आणि केएल राहुलसारख्या खेळाडूंपेक्षा सूर्यकुमार यादवला चांगली कामगिरी करावी लागेल. याशिवाय देशांतर्गत स्पर्धांमध्ये चांगली कामगिरी करणारे रजत पाटीदार आणि राहुल त्रिपाठीही टीम इंडियाचे दरवाजे सतत ठोठावत आहेत. बांगलादेशविरुद्धच्या वनडे मालिकेसाठी दोघांना संघात स्थान मिळाले आहे. अशा परिस्थितीत सूर्याला एकदिवसीय संघात स्थान मिळवायचे असेल तर त्याच्या कामगिरीत आणखी सुधारणा करावी लागेल.